پریتی نے کاسٹ اور عملے کا بھی شکر ادا کیا ، بشمول اداکارہ شبانہ اعظمی ، سنیما ٹو گرافر سنتوش سیون اور میوزک کمپوزر اے آر رحمان۔

پریتی زنٹا نے اپنی آنے والی فلم ’’لاہور۱۹۴۷ء‘‘ کی شوٹنگ مکمل کرلی ہے۔ انہوں نے اس فلم کو اپنے کرئیر کی سب سے مشکل ترین فلم قرار دیا۔ راج کمار سنتوشی کی ہدایت میں بننے والی اس تاریخی ڈراما فلم کو عامر خان کے پروڈکشن ہاؤ س نے پروڈیوس کیا ہے۔ پریتی جو ’’لاہور ۱۹۴۷ء ‘‘ میں سنی دیول کے ساتھ نظر آئیں گی،  نے سنیچر کو ’’ایکس‘‘ پر فلم کے سیٹ کی تصویریں شیئر کرتے ہوئے لکھا کہ ’’ لاہور ۱۹۴۷ء کی شوٹنگ مکمل ، میں اس ناقابل یقین تجربے کیلئے پوری کاسٹ اور عملے کی نہایت شکرگزار ہوں۔مجھے پوری امید ہے کہ آپ سب اس فلم کی تعریف کریں گے اور اتنا ہی لطف اندوز ہوں گے جتنے ہم اسے بناتے وقت ہوئے ہیں۔ یہ یقینی طور پر سب سے مشکل فلم ہے جس میں،مَیں نے کام کیا ہے۔

It’s a wrap on Lahore 1947 & I couldn’t be more grateful to the entire cast n crew for such an incredible experience 🙏❤️🙏 I sincerely hope all of you appreciate & enjoy this film as much as we did making it. It’s definitely the toughest film I have worked on. Full marks to… pic.twitter.com/fzLwzkKQxa

— Preity G Zinta (@realpreityzinta) June 1, 2024

‘‘پریتی نے کاسٹ اور عملے کےساتھ اداکارہ شبانہ اعظمی ، سنیما ٹو گرافر سنتوش سیون اور میوزک کمپوزر اے آر رحمان کا بھی شکر اداکیا ہے۔انہوں نے سبھی کا شکریہ ادا کرتے ہوئے لکھا:’’پچھلے دو مہینوں کیلئے ہر کسی کی محنت ، صبر کاشکریہ ۔ راج جی ، عامر، سنی ، شبانہ جی، سنتوش سیون اور اے آر رحمان دل کی گہرائیوں سے آپ سب کا شکریہ ۔ ہمیشہ پیار۔‘‘
 ’’لاہور ۱۹۴۷ء ‘‘میں پریتی ایک مرتبہ پھر سے سنی دیول کے ساتھ نظر آئیں گی اس سے پہلے اس جوڑی نے ’’دی ہیرو: لو اسٹوری آف اسپائے‘‘ ،’’فراز‘‘ اور ’’بھائی جی سپرہٹ‘‘ میں ساتھ کام کیا ہے۔