معروف ساؤتھ انڈین اسٹاراللو ارجن اور اداکارہ رشمیکا منداناکی ایکشن تھریلر فلم ’پشپا۲؍: دی رول‘ کا دھماکے دار ٹریلر جاری کر دیا گیا۔ یوٹیوب پر’پشپا ۲؍‘ کے ٹریلر تیلگو، ہندی اور تمل زبان میں جاری کئےگئے۔

معروف ساؤتھ انڈین اسٹاراللو ارجن اور اداکارہ رشمیکا منداناکی ایکشن تھریلر فلم ’پشپا۲؍: دی رول‘ کا دھماکے دار ٹریلر جاری کر دیا گیا۔ یوٹیوب پر `پشپا ۲؍ کے تیلگو، ہندی اور تمل زبان میں جاری کئے گئے ٹریلرکو چند گھنٹوں میں ہی کروڑوں بار دیکھا جاچکا ہے۔ فلم کے ٹریلر میں اللو ارجن سرخ صندل کی لکڑی کے اسمگلر کے اپنے ٹائٹلر کردار میں دوبارہ نظر آ رہے ہیں جبکہ رشمیکا مندانا ان کی محبت ہے۔ ریاست بہار کے شہر پٹنہ میں ٹریلر کی نقاب کشائی کیلئے خصوصی تقریب کا انعقاد کیا گیا۔ ٹریلر میں ڈراما، راز، ایکشن، موسیقی، ثقافت اور ایک بڑے ولن کو دیکھا گیا ہے۔ اداکار فہد فاصل جنہیں پچھلے فلم میں بہت کم اسکرین ٹائم ملا تھا، وہ اس بار ایک مضبوط کردار میں نظر آرہے ہیں۔ 
فلم کا ٹریلر منفرد ڈائیلاگز سے بھرپور ہے۔ اس میں ایک مشہور ڈائیلاگ بھی شامل ہے جس میں معمولی تبدیلی کی گئی ہے: ’’پشپا نام سن کے فلاور سمجھے کیا؟ فلاور نہیں، وائلڈ فلاور ہے۔ ‘‘سوکمار کی ہدایت کاری میں بننے والے سیکوئل کی شروعات وہیں سے ہوتی ہے جہاں اختتام ہوا تھا۔ یہ بدمعاشوں اور حکام کے درمیان بلی اور چوہے کا کھیل ہے جو اسمگلروں اور ان کے پورے کاروبار سے نمٹنے کی کوشش کر رہے ہیں۔ فلم کے ٹریلر لانچ کے موقع پر اللوارجن اور رشمیکا مندانا نے فلم ٹیم کے ساتھ تقریب میں شرکت کی۔ ذرائع کے مطابق پشپا ٹو کیلئےاللو ارجن نے پارٹ ون کے مقابلے میں دگنا معاوضہ لیا ہے جو ۱۰۰؍ کروڑ روپے کے قریب ہے۔ واضح رہے کہ فلم۵؍ دسمبر۲۰۲۴ء کو سینما گھروں کی زینت بنے گی۔