اللو ارجن کی اداکاری سے سجی فلم ’’ پشپا۲؍: دی رول‘‘ نے ہندی زبان میں ۷۰۰؍کروڑ روپے سے زیادہ کا کاروبار کیا ہے جو اب بھی جاری ہے مگریہ فلم اپنی مقامی زبان تیلگو میں بڑا منافع کمانے میں ناکام رہی۔

اللو ارجن کی اداکاری سے سجی فلم ’’ پشپا۲؍: دی رول‘‘ باکس آفس پر راج کر رہی ہے۔سوکمار کی ہدایت کاری میں بنی فلم ’’پشپا۲‘‘ نےہندی میں تقریباً ۷۰۰؍کروڑ روپے کمائے ہیں اور اب یہ۸۰۰؍کروڑ کے کاروبار کی طرف تیزی سے بڑھ رہی ہے۔تاہم، ہندی میں تمام ریکارڈ توڑنے اور نئے ریکارڈبنانے کے باوجود’’ پشپا۲: دی رول‘‘ جو بنیادی طور پر تیلگو فلم ہے، تیلگو سنیما کی ایک رپورٹ کے مطابق، اپنی مقامی زبان میں زیادہ منافع کمانے میں ناکام رہی ہے۔ ؔؔہندی میں ’’پشپا ۲‘‘ کی کمائی جاری ہے یہاں تک کہ ’’بے بی جان‘‘ جیسی نئی ہندی ریلیزز فلم کو بزنس کے لحاظ سے کافی پیچھے چھوڑ دی  ہے۔یاد رہے کہ ’’بےبی جان ‘‘ کی افتتاحی دن کی کمائی ، پشپا۲؍ کے ۲۱؍ ویں دن سے کم تھی۔

یہ بھی پڑھئے: عامر خان اسٹیج کے پیچھے پانی پلاتے تھے، شاہ رخ خان بہت محنتی تھے: سجاتا مہتا

تاہم، رپورٹ میں کہا گیا ہے کہ سوکمار کی ہدایت کاری میں تیلگو ریاستوں میںیہ فلم ناظرین کے دل و دماغ پر اتنا اثر چھوڑنے میں ناکام رہی کیونکہ۲۹؍ دسمبر۲۰۲۴ء کو اس خطے میں تھیٹر خالی چل رہے تھے، اس لئے نمائش کنندگان نے فلم کو بند کرنے اور سنکرانتی پر بڑی ریلیز کا انتظار کرنے کا فیصلہ کیا ہے۔رپورٹ میں یہ بھی دعویٰ کیا گیا ہے کہ تقریباً تمام آندھرا کے تقسیم کاروں کو پشپا ۲؍ سے نقصان اٹھانا پڑے گا اور وہ سیڈڈ ریجن (رائلسیما) تیلگو کا واحد بازار ہے جہاں تمام ڈسٹری بیوٹرز نے بھاری منافع کا مشاہدہ کیا ہے۔دلچسپ بات یہ ہے کہ’’ پشپا: دی رائز‘‘ جس نے ۲۰۲۱ء  میں ہندی میں۱۰۰؍ کروڑ روپے سے زیادہ کی کمائی کی تھی اسے تیلگو مارکیٹ میں بھی نقصان اٹھانا پڑا اور فلم کو منافع بخش بنانے کیلئے فلم سازوں کو کچھ ڈسٹری بیوٹرز کو پیسے واپس کرنے پڑےجبکہ’’ پشپا۲: دی رول‘‘ ہندی میں تقریباً ۷۰۰؍کروڑ روپے کما چکی ہے۔ تیلگو ریاستوں میںاس فلم نے۳۲۵؍ کروڑ روپے کمائے ہیں اور فی الحال’’آر آر آر‘‘ کے بعد دوسری سب سے زیادہ کمانے والی فلم ہے۔’’آر آر آر‘‘ نے اپنی مقامی زبان میں ۳۹۶؍کروڑ روپے کمائے تھے۔