عظیم گلوکار اور اداکار کشور کمار کی ۳۷؍ویں برسی پر ان کے آبائی شہر کھنڈوا، مدھیہ پردیش میں راشٹریہ کشور کمار سمان اس سال نامور فلم پروڈیوسر-ڈائریکٹر اور اسکرپٹ رائٹر راج کمار ہیرانی کو دیا گیا۔ 

عظیم گلوکار اور اداکار کشور کمار کی ۳۷؍ویں برسی پر ان کے آبائی شہر کھنڈوا، مدھیہ پردیش میں راشٹریہ کشور کمار سمان اس سال نامور فلم پروڈیوسر-ڈائریکٹر اور اسکرپٹ رائٹر راج کمار ہیرانی کو دیا گیا۔ 
 مدھیہ پردیش حکومت کی اس تقریب میں انہیں ۵؍لاکھ روپے کےاعزازی انعام، شال، شری پھل اوراعزازی پٹی سے نوازاگیا۔ اس سے پہلے ہیرانی نےکشور کمار کی سمادھی پر خراج عقیدت پیش کیا۔ اس موقع پرہیرانی نےکہاکہ یہ اعزاز ان کے لیےبہت خاص ہے کیونکہ ٹھیک ۳۷؍سال قبل وہ کشورکمارکےبنگلے کے سامنے کھڑے ہو کر آنسو بھری آنکھوں کے ساتھ انہیں الوداع کہنے گئے تھے۔ آج بھی ہندوستان کا کوئی گھر ایسا نہیں ہوگا جہاں کشور کمار کاگانا نہ سنا جاتا ہو۔ ان کے گانے کئی رئیلٹی شوز میں گائےجاتےہیں۔ اس سے پہلےہیرانی اپنی اہلیہ کےساتھ کشور کمار کی سمادھی پر انہیں خراج عقیدت پیش کرنے پہنچے اور دودھ اور جلیبی کا بھوگ لگایا۔ انہوں نےنامہ نگاروں کو بتایا کہ انہیں اطلاع ملی تھی کہ کشور کمارکھنڈوا اور یہاں کی دودھ جلیبی کے شوقین تھے۔ اس اعزازکی تقریب میں قبائلی امور کے وزیر وجے شاہ نے ہیرانی کو اس اعزاز سے نوازا۔