میڈڈوک سپر نیچرل یونیورس کی تمام فلموں کا اعلان کردیا گیا ہے۔ یہ تمام فلمیں ’’مہایودھ‘‘ پر ختم ہوں گی جو ۲۰۲۸ء میں ریلیز ہوگی۔

’’استری‘‘ فرنچائز کے شائقین کا انتظار بالآخر ختم ہو گیا۔ شردھا کپور اور راجکمار راؤ کی انتہائی کامیاب ہارر کامیڈی سیریز کی تیسری قسط ’’استری ۳‘‘ ۲۰۲۷ء میں ریلیز ہوگی۔ فلمسازوں نے اعلان کیا ہے کہ یہ فلم ۱۳؍ اگست ۲۰۲۷ء کو سنیما گھروںمیں ریلیز ہوگی۔ اس کے ساتھ ہی میڈڈوک سپر نیچرل یونیورس کی دیگر فلموں کی ریلیز کی تاریخوں کا بھی اعلان کیا گیا ہے۔ ’’تھاما‘‘ (دیوالی ۲۰۲۵ء)، ’’شکتی شالینی‘‘ (۳۱؍ دسمبر ۲۰۲۵ء)،’’بھیڑیا ۲‘‘ (۱۴؍ اگست ۲۰۲۶ء)، ’’چامنڈا‘‘ (۴؍ دسمبر ۲۰۲۶ء)، ’’مہا مُنجیا‘‘ (۲۴؍ دسمبر ۲۰۲۷ء)، ’’پہلا مہا یودھ‘‘ (۱۱؍ اگست ۲۰۲۸ء)، ’’دوسرا مہا یودھ‘‘ (۱۸؍ اکتوبر ۲۰۲۸ء)۔ 

خیال رہے کہ ۲۰۲۴ء میڈڈوک سنیما کیلئے تاریخی سال ثابت ہوا ہے۔ اس کی ہر ریلیز نے بہترین کاروبار کیا ہے۔ فلم شائقین کا بھی اس پروڈکشن ہاؤس پر اعتماد بڑھتا جارہا ہے۔ اس اعلان کے متعلق بات چیت کرتے ہوئے میڈ ڈوک کے دنیش وجن کہتے ہیں کہ ’’ہمارا مشن ہمیشہ سے اختراعات اور تفریح ​رہا ہے۔ ہم نے زبردست کردار تیار کئے ہیں جو سامعین کے ساتھ رہتے ہیں، جو ہندوستان کی بھرپور ثقافت اور ورثے پر مبنی ہیں۔ اس گہرے تعلق نے ہماری کہانیوں کو نہ صرف متعلقہ بلکہ بامعنی بھی بنایا ہے۔ اس کے علاوہ، پرجوش مداحوں کے ساتھ، ہم اب اس سے بھی بڑی چیز کا مرحلہ طے کر رہے ہیں: ایک سنیما کی کائنات جو ناقابل فراموش کرداروں اور ان کی کہانیوں کو زندگی میں لاتی ہے جیسا کہ پہلے کبھی نہیں تھا۔ ہم ۲۰۲۸ء اور اس سے آگے کے اس سفر پر سامعین کو لے جانے کیلئے بےقرار ہے۔‘‘ 
میڈڈوک کی تیارکردہ اس مافوق الفطرت کائنات کے کردار ’’مہایودھ‘‘ میں ملیں گے۔ ’’مہا یودھ‘‘ میں تمام سپر ہیروز کردار اکٹھا ہوں گے اور مل کر سپر ویلنز کا سامنا کریں گے۔