بالی ووڈ اداکار ’پِل ‘ سےاوٹی ٹی کی دنیا میں قدم رکھیں گے، یہ سیریز ۱۲؍ جولائی کو ’جیو سنیما ‘پر ریلیز ہوگی۔

رتیش دیشمکھ فلموں کے علاوہ اب ویب سیریز کی دنیا میں بھی قسمت آزمانے جارہے ہیں۔ اب وہ اپنے او ٹی ٹی میں  قدم رکھنے کیلئے بالکل تیار ہیں۔ انہوں نے اپنی پہلی ویب سیریز’ `پِل‘ کا باضابطہ اعلان کیا ہے۔ راج کمار گپتا اس آنے والی سیریز کے ڈائریکٹر ہیں۔ اداکار نے باضابطہ طور پر اسٹریمنگ پلیٹ فارم جیو سنیما کے ساتھ ویب سیریز کا اعلان کیا۔ سیریز کے پوسٹر کے ساتھ ہی اس کی ریلیز کی تاریخ کا بھی اعلان کر دیا گیا ہے۔ 
اس ویب سیریز کے پوسٹر سے ظاہر ہوتا ہے کہ یہ سیریز ملک کی فارما انڈسٹری پر مبنی ہے۔ ریلیز کی تاریخ کا اعلان کرنے کے علاوہ اسٹریمنگ پلیٹ فارم نے سیریز سے اداکار کی پہلی جھلک بھی جاری کی ہے۔ یہ سیریز۱۲؍ جولائی۲۰۲۴ء سےجیو سنیما پر ریلیز ہوگی۔ جبکہ موشن پوسٹر میں رتیش چشمہ پہنے ہوئے نظر آرہے ہیں، قرینے سے سجے ہوئے بال اور موٹی مونچھوں کے ساتھ ہیں۔ رتیش دیشمکھ پلیڈ شرٹ پہنے ہوئے ہیں اور ہاتھ میں گولی لئے لیبارٹری کے سامنے کھڑے ہیں۔ پوسٹر کے ساتھ اداکار ایک یہ سوال پوچھتا ہے، ’’حقیقت میں آپ کی دوا کس چیز سے بنی ہے؟‘‘