سلمان خان کی بہن ارپیتا اور ان کے شوہر آیوش شرما نے ممبئی کے باندرہ میں واقع اپنا گھر بیچ دیا ہے۔ انہوں نے یہ گھر ۲۲؍کروڑ روپے میں فروخت کیاہے۔

سلمان خان کی بہن ارپیتا اور ان کے شوہر آیوش شرما نے ممبئی کے باندرہ میں واقع اپنا گھر بیچ دیا ہے۔ انہوں نے یہ گھر ۲۲؍کروڑ روپے میں فروخت کیاہے۔ اب یہ دونوں ورلی میں ایک اور لگژری گھر میں شفٹ ہو گئے ہیں۔ رپورٹس کے مطابق سلمان نےان کی شادی کی تاریخ کے اعلان سےقبل ارپیتا کو باندرہ میں یہ گھرتحفےمیں دیا تھا۔ یہ سلمان کے گھر، گلیکسی اپارٹمنٹ سے صرف پانچ منٹ کی دوری پر تھا۔ رپورٹس کے مطابق ارپیتا کے پاس ایک اور اپارٹمنٹ ہے، جو ممبئی کے کھار میں واقع ہے۔ اپارٹمنٹ فلائنگ کارپٹ بلڈنگ کی ۱۲؍ویں منزل پر ہے۔ یہ اپارٹمنٹ ۱۷۵۰؍مربع فٹ پر پھیلا ہوا ہے۔ اس میں ۴؍ پارکنگ ایریاز ہیں۔ ارپیتا خان نےاداکار آیوش شرما سے۲۰۱۴ء میں  شادی کی۔ شادی کے بعد دونوں بیٹے آہل اور بیٹی آیت کے والدین بن گئے۔ کچھ عرصہ قبل آیوش نے ایک انٹرویو میں اپنی اور ارپیتا کی محبت کی کہانی بتائی تھی۔ انہوں نے کہا تھا کہ جب وہ۲۴؍سال کے تھے تو انہوں نے اپنے والدین کو ارپیتا کے بارے میں بتایا تھا کہ وہ اس سےشادی کرنا چاہتےہیں۔ جب انہوں نے شادی کی بات کی تو ان کے والد پریشان ہو گئے کیونکہ اس وقت تک ان کی پہلی فلم بھی ریلیز نہیں ہوئی تھی اور وہ کچھ کما بھی نہیں پا رہے تھے۔ آیوش نے بتایاتھا، ’’پاپانےکہا کہ تم کام نہیں کر رہے، کچھ کما بھی نہیں رہے، اس کے باوجود تم اس لڑکی سے شادی کرنا چاہتے ہو جو اتنے بڑے گھرانے سے ہے۔ تم اس کے اخراجات کیسے برداشت کرو گے؟‘‘