سابق اداکارہ نے انسٹاگرام پر اپنے ہاتھوں کی مہندی کا ویڈیو شیئر کرتے ہوئے کیپشن میں لکھا:یہ جان کر بہت خوشی ہوتی ہے کہ آپ کے شوہر کو بھی مہندی اُتنی ہی پسند ہے، جتنی آپ کو پسند ہے

گزشتہ سال شوبزچھوڑ کر مذہب کی طرف راغب ہونےوالی سابقہ اداکارہ ثناء خان نے مداحوں کو بتایاکہ وہ اپنے شوہر کی کونسی پسندسےخوش ہوتی ہیں۔ مفتی انس سے شادی کے بعد سوشل میڈیا پر زیادہ متحرک رہنے والی ثناء خان نے گزشتہ روز سماجی رابطے کی ویب سائٹ انسٹاگرام پر مہندی لگے اپنے ہاتھوں کی بوم رینگ ویڈیوز شیئر کیں۔ثناء خان کی جانب سے پوسٹ کردہ بوم رینگ ویڈیومیں دیکھا جاسکتا ہے کہ سابقہ بالی ووڈ اداکارہ کے دونوں ہاتھوں پر دلکش مہندی لگی ہوئی ہے۔بالی ووڈکی سابق اداکارہ نے اپنے اس پوسٹ کے کیپشن میں لکھا کہ ’’یہ جان کر بہت خوشی ہوتی ہے کہ آپ کے شوہر کو بھی مہندی اُتنی ہی پسند ہے، جتنی آپ کو پسند ہے۔‘‘شادی کےبعد ثناء خان کی مقبولیت میں بےحد اضافہ ہوگیاہے اور یہی وجہ ہے کہ چند ہی گھنٹوں میں اُن کے اس پوسٹ پرایک لاکھ ۷۸؍ہزار سے زائد لائکس آچکے ہیں۔ خیال رہےکہ ثناء خان نے گزشتہ سال گجرات سے تعلق رکھنے والے مفتی انس سے شادی کی تھی۔بگ باس سیزن۶؍سے شہرت پانے والی بالی ووڈ کی سابق اداکارہ ثناء خان نے اپنی شادی سے قبل اسلام کی خاطر شوبز انڈسٹری چھوڑنے کا اعلان کیا تھا۔اس موقع پر ثناء خان کاکہنا تھا کہ اب وہ اپنی زندگی انسانیت کی خدمت میں اور اللہ تعالیٰ کے احکامات کے مطابق گُزاریں گی۔