اداکارہ سارہ علی خان نے اپنی والدہ اور اداکارہ امریتا سنگھ کے ساتھ ایک اشتہار میں کام کیا ہے۔

اداکارہ سارہ علی خان نے اپنی والدہ اور اداکارہ امریتا سنگھ کے ساتھ ایک اشتہار میں کام کیا ہے۔ اس کے بعد سارہ نے کہا ہے کہ انہیں لگتا ہے کہ ان کی والدہ کو ان کے ساتھ کام کرنا پسند نہیں ہے۔ سارہ نے اپنے ڈیبیو سے لے کر اب تک چار فلموں میں کام کیا ہے اور فی الحال وہ اپنی آنے والی فلم’ `اترنگی رے ‘کی تشہیر کر رہی ہیں۔ ایک انٹرویو میں سارہ نے کہا کہ مجھے نہیں لگتا کہ وہ میرے ساتھ کام کرنا پسند کرتی ہیں۔ کیونکہ وہ میری ماں ہیں۔ اگر شوٹ کے دوران میرے چہرے پر بال ہوں تو وہ `’کٹ‘ کہہ کر میرے بالوں کو سیدھا کر سکتی ہیں۔  وہ مجھے سب سے اچھا دکھانا چاہتی ہیںکیونکہ میں ان کی بیٹی ہوں۔ میری ماں کو لگتا ہے کہ آپ کو اپنے کا م میں۱۰۰؍ فیصد محنت کی ضرورت ہے، تب ہی آپ کچھ بھی حاصل کر پائیں گی۔ گھر واپس آتے ہوئے وہ کہتی ہیں، میں نے بہت مزہ کیا اور اچھا کام کیا۔ ایک ٹی وی چینل کے پروگرام میں سارہ نے کہا کہ ان کے والدین سیف علی خان اور ان کی سابق اہلیہ امریتا سنگھ نے بھی اداکاری کا  مشورہ دیا۔ انہوں نے کہا کہ وہ مجھے ہمیشہ کہتے ہیں کہ کوئی بھی فلم صرف دو گھنٹے کی نہیں ہوتی۔ یہ کم از کم ایک سال کا ہوتا ہے۔ہم خوش قسمت ہیں کہ ہمارا کام ہمارا مشغلہ ہے۔