تھمس اَپ کے نئے اشتہار میں بالی ووڈ کنگ شاہ رخ خان اور زہان کپور سمندر کی بپھری لہروں سے کھیلتے نظر آرہے ہیں۔

شاہ رخ خان اور لیجنڈ اداکار ششی کپور کے پوتے زہان کپور ایک نئے اشتہار میں ساتھ نظر آرہے ہیں جو سوشل میڈیا پر دھوم مچا رہا ہے۔ اشتہار میں دونوں اداکاروں کو طاقت سے بھرے اوتار میں دکھایا گیا ہے، جس نے مداحوں کو ان کی اسکرین کیمسٹری سے متاثر کیا ہے۔ شاہ رخ خان نے اپنے ایکس سے یہ اشتہار جاری کیا ہے۔ ویڈیو میں زہان کپور سرفنگ کیلئےبالکل تیار ہیں لیکن موسم کی صورتحال ٹھیک نہیں ہے۔ سمندر بپھرا ہوا ہے۔ لیکن شاہ رخ خان کی انٹری نے حالات کو آرام دہ بنا دیا۔ وہ زہان سے کہتے ہیں کہ مشکلات سے لڑیں۔  خیال رہے کہ یہ ’’تھمس اَپ‘‘ کا نیا اشتہار ہے جسے ہیش ٹیگ ’’دَم ہے تو دکھا‘‘ کے ساتھ شیئر کیا جارہا ہے۔ 

Jo kehte hai abhi tera time nahin, unko galat saabit karne ka sahi time yahi hai. Toh aaja, jo duniya maane tujhe kam, usey dikhaade tera dum. #ThumsUp utha, #DumHaiTohDikha @ThumsUpOfficial pic.twitter.com/BJ9vMHjMNP

— Shah Rukh Khan (@iamsrk) February 13, 2025

واضح رہے کہ زہان کپور ’’بلیک وارنٹ‘‘ میں اپنی اداکاری کی وجہ سے مشہور ہیں۔ انہوں نے اپنا ہنسل مہتا کی فلم ’’فراز‘‘ سے کریئر کا آغاز کیا تھا۔ کپور خاندان سے تعلق رکھنے اور رنبیر کپور اور کرینہ کپور کے کزن ہونے کے باوجود، زہان نے کبھی کسی اشتہار میں کام نہیں کیا ہے۔ دوسری جانب شاہ رخ خان اپنی اگلی فلم ’’کنگ‘‘ کی تیاریوں میں مصروف ہیں جس کی ہدایتکاری کے فرائض سدھارتھ آنند انجام دیں گے۔