شاہ رخ خان کے بیٹے آرین خان جلد ہی او ٹی ٹی پر ہدایت کاری میں ڈیبیو کرنے جا رہے ہیں۔ ان کی سیریز۲۰۲۵ء میں نیٹ فلکس پر آنے والی ہے۔ حیران کن بات یہ ہے کہ اس خبر کے سامنے آنے کے بعد اسٹار کڈز کو نشانہ بنانے والی کنگنا رناؤت نے آریان خان کی تعریف کی ہے۔

شاہ رخ خان کے بیٹے آرین خان جلد ہی او ٹی ٹی پر ہدایت کاری میں ڈیبیو کرنے جا رہے ہیں۔ ان کی سیریز۲۰۲۵ء میں نیٹ فلکس پر آنے والی ہے اور اس کا اعلان نیٹ فلکس کے آفیشل انسٹاگرام ہینڈل پر کیا گیا ہے۔ حیران کن بات یہ ہے کہ اس خبر کے سامنے آنے کے بعد اسٹار کڈز کو نشانہ بنانے والی کنگنا رناؤت نے آریان خان کی تعریف کی ہے۔ 
نیٹ فلکس نے انسٹاگرام پر ایک پوسٹ شیئر کی جس میں لکھا ہے کہ نیٹ فلکس پر بالی ووڈ کا ایسا نظارہ کبھی نہیں دیکھا! آرین خان کی ہدایت کاری میں پہلی بار ایک بالکل نئی سیریز پیش کر رہے ہیں، جلد آرہا ہے۔ نیٹ فلکس کی جانب سے شیئر کئے گئے پوسٹر میں لکھا گیا ہے کہ اس۲۰۲۵ء میں، نیٹ فلکس اور ریڈ چیلیزپہلی بار بالی ووڈ سیریز کیلئے ایک ساتھ آ رہے ہیں جسے گوری خان نے پروڈیوس کیا ہے اور آریان خان نے لکھا اور تخلیق کیا ہے۔ 

It’s a special day when a new story is being presented for the audience. Today is even more special as @RedChilliesEnt and Aryan Khan embark on their journey to showcase their new series on @NetflixIndia . Here’s to untamed story telling….controlled chaos…gutsy scenes and lots… pic.twitter.com/8v0eBzRZ6S

— Shah Rukh Khan (@iamsrk) November 19, 2024

کنگنا رناوت نے تعریف کی
اس خبر کے منظر عام پر آنے کے بعد کنگنا رناوت نے اپنی انسٹاگرام اسٹوری شیئر کی ہے جس میں انہوں نے آرین خان کی تعریف کرتے ہوئے کہا ہے کہ انہوں نے دوسرے اسٹار کڈزکی طرح اداکاری کا انتخاب نہیں کیا ہے بلکہ وہ کچھ مختلف کر رہے ہیں۔ کنگنا نے پوسٹ میں لکھا کہ یہ اچھی بات ہے کہ فلمی خاندان کے بچے اب کچھ نیا کرنے کیلئے تیار ہیں۔ اب وہ میک اپ کرنے اور وزن کم کرنے کے بعد یہ نہیں سوچتے کہ وہ اداکار ہیں۔ ہمیں مل کر ہندوستانی سنیما کو آگے لے جانا چاہئے، ہمیں کیمرے کے پیچھے مزید لوگوں کی ضرورت ہے۔ کنگنا نے مزید لکھا کہ یہ اچھی بات ہے کہ آرین خان نے اداکاری کے بجائے ڈائریکشن کا انتخاب کیا۔ وہ بطور فلمساز اور مصنف بالی ووڈ میں قدم رکھنے کیلئے تیار ہیں۔ ریڈ چلیز اور نیٹ فلکس ۲۰۲۵ءمیں ایک مختلف قسم کی بالی ووڈ سیریز لا رہے ہیں۔ 
عالیہ بھٹ کا ردعمل
بالی ووڈ کے دیگر ستاروں جیسے عالیہ بھٹ، مہیپ کپوراور بھاونا پانڈے نے بھی آریان کو اپنی نیک خواہشات بھیجی۔ عالیہ بھٹ نے اپنے انسٹاگرام پر’انتظار نہیں کر سکتے‘ لکھا۔ غور طلب ہے کہ یہ سیریز جو۲۰۲۵ء میں ریلیز ہونے والی ہے، جس کی کہانی تازہ اور دل کو چھولینے والی ہے۔ اس سیریز میں مزاحیہ ڈرامے کے ساتھ اور بھی کئی چیزوں کو ملایا گیا ہے۔