ہندوستان کے وزیراعظم نریندر مودی جام نگر میں واقع اننت امبانی کے ’’ونتارا‘‘ کے دورے پر ہیں، اور وہاں سے مختلف جانوروں کی تصاویر شیئر کررہے ہیں۔ اس ضمن میں شاہ رخ خان نے ایکس پر ’’ونتارا‘‘ اور اننت امبانی کی کوششوں کو سراہا۔

بالی ووڈ کے کنگ خان شاہ رخ نے اننت امبانی کے ’’ونتارا‘‘ کی تعریف کرتے ہوئے وزیر اعظم نریندر مودی کے یہاں کے دورے کی بھی پزیرائی کی۔ ’’ونتارا‘‘ جام نگر میں واقع وائلڈ لائف سینٹر ہے۔ مودی اس سینٹر کے دورے پر ہیں جہاں سے متعدد تصاویر شیئر کررہے ہیں جنہیں معروف شخصیات ری پوسٹ کررہی ہیں جن میں اننیا پانڈے، جھانوی کپور، شیکھر اور ویر پہاڑیا بھی شامل ہیں۔ شاہ رخ خان نے ایکس پر لکھا کہ ’’جانور پیار کے مستحق ہیں، اور انہیں اپنی صحت اور ہمارے سیارے کی حفاظت اور دیکھ بھال کی ضرورت ہے۔ ونتارا میں وزیر اعظم کی موجودگی اس کی اہمیت کو مزید تقویت دیتی ہے۔ کسی شخص کے دل کی پاکیزگی ان کی جانوروں سے محبت کے براہ راست متناسب ہے۔ بدقسمت جانوروں کو پناہ گاہ فراہم کرنے کا ونتارا اور اننت کا عہد اس کا ثبوت ہے۔ اپنا کام ہمیشہ جاری رکھو، بیٹا!‘‘

Animals deserve love, and they need protection and care… for their health & that of our planet.
PM @narendramodi’s presence at Vantara reinforces the importance of this.
The purity of a person`s heart is directly proportional to their love for animals. Vantara and Anant’s… https://t.co/NSQ65zBiPK

— Shah Rukh Khan (@iamsrk) March 5, 2025

ایک پوسٹ میں وزیراعظم نے لکھا کہ ’’ونتارا، ایک منفرد جنگلی حیات کے تحفظ، بچاؤ اور بحالی کے اقدام کا افتتاح ہے، جو ماحولی استحکام اور جنگلی حیات کی بہبود کو فروغ دیتے ہوئے جانوروں کیلئے محفوظ پناہ گاہ فراہم کرتا ہے۔ میں اننت امبانی اور ان کی پوری ٹیم کو اس انتہائی ہمدردانہ کوشش کیلئے سراہتا ہوں۔‘‘

An effort like Vantara is truly commendable, a vibrant example of our centuries old ethos of protecting those we share our planet with. Here are some glimpses… pic.twitter.com/eiq74CSiWx

— Narendra Modi (@narendramodi) March 4, 2025

ایم آر آئی، سی ٹی اسکین اور آئی سی یو کی سہولیات سے لیس جدید ترین وائلڈ لائف اسپتال میں، پی ایم مودی نے وائلڈ لائف اینستھیزیا، کارڈیالوجی، نیفرولوجی، اینڈوسکوپی، دندان سازی اور اندرونی ادویات کے خصوصی شعبے سمیت فراہم کردہ جدید ویٹرنری کیئر کا مشاہدہ کیا۔