۲۲؍ ویں زی سنے ایوارڈز کی تقریب ۱۰؍ مارچ۲۰۲۴ءکو منعقدہونے والی ہے۔ شاہ رخ خان۹؍سال بعد زی سنے ایوارڈز میں پرفارم کرنےجارہے ہیں۔

 ۲۲؍ ویں زی سنے ایوارڈز کی تقریب ۱۰؍ مارچ۲۰۲۴ءکو منعقدہونے والی ہے۔ شاہ رخ خان۹؍سال بعد زی سنے ایوارڈز میں پرفارم کرنےجا رہے ہیں۔ شاہ رخ کے علاوہ عالیہ بھٹ، بابی دیول، آیوشمان کھرانہ، مونی رائے بھی پرفارم کریں گے۔ اس بار زی سنے ایوارڈزکی میزبانی اپارشکتی کھرانہ کریں گے۔ ایوارڈ تقریب ممبئی کے ورلی میں واقع این ایس سی آئی ڈوم میں منعقد ہوگی۔ پیر کو منعقد کی گئی پریس کانفرنس عالیہ بھٹ بھی نظر آئیں۔ کانفرنس میں میڈیا سے بات کرتے ہوئے بابی دیول نے کہا کہ تینوں دیول ایک ساتھ زی ایوارڈزمیں آنے کی کوشش کریں گے۔ کیونکہ گزشتہ سال ان تینوں کے لیے حیرت انگیز رہا۔ بابی دیول نے اپنی نامزدگی پر کہا کہ یہ بہت خاص ہے، چاہے وہ جیتیں یا ہاریں، زی اس لیے خاص ہے کیونکہ’ غدر۲‘ وہیں سے آیا ہے۔