بالی ووڈکےکنگ خان شاہ رخ خان کی بلاک بسٹرفلم ’جوان‘۲۹؍ نومبر کو جاپان میں ریلیز ہوگی۔ ایٹلی کی ہدایت کاری میں بنی فلم ’جوان‘ گزشتہ سال ریلیز ہوئی تھی۔

بالی ووڈکےکنگ خان شاہ رخ خان کی بلاک بسٹرفلم ’جوان‘۲۹؍ نومبر کو جاپان میں ریلیز ہوگی۔ ایٹلی کی ہدایت کاری میں بنی فلم ’جوان‘ گزشتہ سال ریلیز ہوئی تھی۔ فلم جوان نے دنیا بھر میں باکس آفس پراچھا بزنس کیا۔ فلم جوان شاہ رخ خان کےفلمی کریئرکی سب سے زیادہ کمائی کرنے والی فلم ہے۔ دنیا بھر میں اس فلم نے۱۱۴۸؍کروڑ روپے کمائے اور جوان اب جاپان میں بھی اپنا جادو دکھانے کیلئےتیارہے۔ ’جوان‘ ۲۹؍ نومبر کو جاپان میں ریلیز کی جائے گی۔ جاپان میں فلم کی ریلیز نےشائقین کو پرجوش کردیا ہے۔ شاہ رخ خان نےفلم’جوان‘میں ڈبل رول ادا کیا ہے۔ جوان میں شاہ رخ کے ساتھ دپیکا پڈوکون، سانیا ملہوترا، پریمانی، نین تارا اور ردھی ڈوگرا سمیت کئی اداکاروں نے اہم کردار ادا کیے ہیں۔ اس کے علاوہ وجے سیتوپتی ولن کے کردار میں ہیں۔