بہترین ہدایت کار کے ساتھ بیسٹ برٹش فلم، بیسٹ اسکرین پلے اور بیسٹ سپورٹنگ ایکٹر کا ایوارڈ دیا گیا

بالی ووڈ کے نامور ہدایت کار شیکھرکپور کو فلم واٹس لو گاٹ ٹو ڈو ود اٹ کے لیے برٹش نیشنل ایوارڈ ملا ہے۔
 شیکھرکپور کو واٹس لو گاٹ ٹو ڈو ود اٹ  کے لیے بیسٹ ڈائریکٹرکا برٹش نیشنل ایوارڈ دیاگیا ہے۔ ایوارڈ تقریب میںفلم کو۹؍کیٹیگریز میں نامزد کیا گیا تھا جن میںسےفلم نے۴؍یوارڈ اپنے نام کئے ہیں۔ بیسٹ ڈائریکٹرکےعلاوہ اس فلم نے بیسٹ برٹش فلم، بہترین اسکرین پلے اور بیسٹ سپورٹنگ  ایکٹر کے ایوارڈز بھی جیتے ہیں۔
 شیکھرکپورنےسوشل میڈیا پر یہ معلومات دی۔ انہوں نے لکھا، شکریہ برٹش نیشنل فلم ایوارڈز۔ یہ ایک غیر متوقع اعزاز ہے۔ لیکن، حقیقی معنوں میں، یہ ایوارڈ واٹس لو... ٹیم کا ہے۔ کوئی بھی ڈائریکٹر اس ٹیم کو شامل کرکے ہی بنتا ہے۔
 واٹس لو گاٹ ٹو ڈو ود اٹ ایک برطانوی رومانوی کامیڈی فلم ہے، جو برطانیہ کے ساتھ ساتھ امریکہ اور ہندوستان میںبھی ریلیز ہوئی تھی۔ للی جیمز، شہزاد لطیف، شبانہ اعظمی، ایما تھامسن، سجل علی، اولیور کرس اورعاصم چودھری نے اس فلم میں مرکزی کردار ادا کیے تھے۔