چھوٹے پردے کے امیتابھ بچن کہے جانے والے شیکھر سمن نے ٹی وی انڈسٹری سے بریک لینے کی وجہ بتائی ہے۔ ٹیلیویژن کے مشہور میزبان اور نامور اداکار شیکھر سمن نے مختلف ٹی وی چینلوں پر اپنے سیریلس اور فلموں میں مختلف کرداروں سے سامعین کومحظوظ کیا ہے

چھوٹے پردے کے امیتابھ بچن کہے جانے والے شیکھر سمن نے ٹی وی انڈسٹری سے بریک لینے کی وجہ بتائی ہے۔ ٹیلیویژن کے مشہور میزبان اور نامور اداکار شیکھر سمن نے مختلف ٹی وی چینلوں پر اپنے سیریلس اور فلموں میں مختلف کرداروں سے سامعین کومحظوظ کیا ہے۔ ان دنوں وہ ایک شو کے ذریعہ ان کارکنان اور کورونا وارئیرس کی عزت افزائی کر رہے ہیں جو کورونا وائرس کے دوران آگے آکر کام کررہے ہیں۔ شیکھر سمن نے بتایا ہے کہ مسلسل کام کرنے کے بعد کیوں اچانک انہوں نے ٹی وی کو الوداع کہہ دیا۔ شیکھر سمن نے کہا ’’میں نے ۳۰؍ سال کام کیا ہے۔ میرے لئے یہ ایک طویل آرام کرنے کا وقت ہے۔ گزشتہ سال میں نے سوچا تھا کہ میں ٹی وی کی دنیا سے ایک طویل وقفہ لوں گا۔ مجھے سوچنے کیلئے آرام دہ جگہ اورتسلی کی ضرورت تھی ۳۰؍سال تک میں نے صبح، دن اور رات تینوں وقت کام کیا ہے۔ ہر روز کام کرنا اور سارا وقت اسٹوڈیو میں رہنا کبھی کبھی آپ کیلئے مایوس کن ہوجاتا ہے۔‘‘