ایک پریس ریلیز کے مطابق،’’ `دھڑک ۲‘‘ ایک ایسی کہانی ہے جو محبت کی کھوج اور سماجی اصولوں کو چیلنج کرتی ہے۔

زی اسٹوڈیوز، دھرما پروڈکشنز اور کلاؤڈ ۹ پکچرز نے آخر کار طویل وقت سے انتظار کی جانے والی فلم ’’دھڑک ۲‘‘کے بارے میں تفصیلات جاری کیں۔ سوشل میڈیا ’’ایکس‘‘ پر فلمسازوں نے پوسٹرشیئرکرتے ہوئے اعلان کیا کہ ’’کیسے ملیں گے،آگ اور پانی؟ دھڑک ۲پیش کر رہا ہے جس میں سدھانت چترویدی اور ترپتی ڈمری شامل ہیں۔ شازیہ اقبال کی ہدایت کاری میں یہ فلم بنی ہے۔ ’’دھڑک ۲‘‘۲۲؍ نومبر ۲۰۲۴ء کو سینما گھروں میں ریلیز ہوگی۔‘‘

कैसे मिलेंगे - आग और पानी?

Presenting Dhadak 2 starring Siddhant Chaturvedi & Triptii Dimri. Directed by Shazia Iqbal.#Dhadak2 in cinemas 22nd November 2024.#KaranJohar #UmeshKrBansal @apoorvamehta18 @MeenuAroraa @somenmishra0 @SiddyChats @tripti_dimri23 #ShaziaIqbal… pic.twitter.com/FbXAnGsHu7

— Dharma Productions (@DharmaMovies) May 27, 2024

اس فلم میں مرکزی کردار سدھانت چترویدی اور ترپتی ڈمری نے ادا کئے ہیں ، یہ فلم روایتی محبت کی کہانی اور معاشرتی اصولوں کو چیلنج کرتی ہے۔ شازیہ اقبال کی ہدایت کاری میں بننے والی یہ فلم معاشروں کے ذہنوں میں جڑی طبقاتی اور حیثیت کی رکاوٹوں کو تلاش کرتی ہے، جو محبت کی ایسی داستان کو بیان کرتی ہے جو کبھی پوری نہیں ہو سکتی۔ 
اس کامیاب فرنچائزکی کہانی کو آگے بڑھاتے ہوئے’’دھڑک ۲‘‘رومانس، ڈرامے اور جذبات سے بھرے سفر کا وعدہ کرتی  ہے جو دنیا بھر کے مداحوں کو محسور کرےگی۔ ۲۲؍نومبر ۲۰۲۴ءکو سینما گھروں میں ریلیز ہوگی۔