شوٹنگ فروری۲۰۲۱ء میں شروع ہو سکتی ہے، فلم کا نام ابھی طے نہیں

 بالی ووڈ کے معروف پروڈیوسر ہدایتکار سورج برجاٹیا سپراسٹار امیتابھ بچن کو لے کر فلم بنانے جا رہے ہیں۔ سلمان خان کے ساتھ ’میں نے پیارکیا‘، ’ہم آپ کے ہیں کون‘، ’ہم ساتھ ساتھ ہیں‘ اور ’پریم رتن دھن پایو‘ جیسی بلاک بسٹر فلمیں ناظرین کو دینے  والے سورج برجاٹیا  اب ایک بار پھر سلمان خان کے بغیر فلم بنانے جا رہے ہیں۔ بتایا جا رہا ہے کہ کہانی میں سلمان کے لئے کوئی رول نہیں ہے اس لئے ان کے بغیر سورج فلم بنا رہے ہیں۔کہا جارہا ہے کہ راج شری پروڈکشن کے بینر تلے بننے والی سورج بڑجاتیا کی فلم میں امیتابھ بچن اور بومن ایرانی ہیں۔ سورج برجاٹیا کے ساتھ امیتابھ کی یہ پہلی فلم ہوگی۔ راج شری بینر کے لیے امیتابھ ’سوداگر‘ میں کام کرچکے ہیں۔  اس فلم کا نام ابھی طے نہیں ہے۔