جنوبی ہند سے تعلق رکھنے والے سپر اسٹار مہیش بابو نے خطے کی سب سے بڑی فلم نگری بالی ووڈ میں کام کرنے کو وقت برباد کرنا قرار دے د یا۔

 جنوبی ہند سے تعلق رکھنے والے سپر اسٹار مہیش بابو نے خطے کی سب سے بڑی فلم نگری بالی ووڈ میں کام کرنے کو وقت برباد کرنا قرار دے د یا۔ میڈیا رپورٹس کے مطابق فلم میجر کے لانچ پر انہوں نے بالی ووڈ میں کام کرنے سے متعلق اپنے خیالات کا اظہار کیا۔میڈیا سے غیر رسمی بات چیت میں مہیش بابو نے بالی ووڈ میں ڈیبیو کرنے کے حوالے سے متعلق راز سے پردہ اٹھادیا۔ انہوں نے کہا کہ مجھے بالی ووڈ میں کام کرنے کی بہت مرتبہ پیشکش ہوئی، لیکن میرا نہیں خیال کہ وہ مجھے اتنا معاوضہ دے سکتے ہیں۔مہیش بابو کا کہنا تھا کہ جتنی عزت ہمیں یہاں (جنوبی ہند میں) ملتی ہے وہ بہت زیادہ ہے، لہٰذا میں نے اپنی انڈسٹری چھوڑنے اور دوسری جگہ جانے کا کبھی نہیں سوچا۔انہوں نے یہ بھی کہا کہ میں نے ہمیشہ فلمیں کرنے اور بڑا بننے کے بارے میں سوچا، میرے خواب سچ ہو رہے ہیں اور اس لئے وہاں جاکر میں زیادہ خوش نہیں ہوسکتا۔مہیش بابو نے کہا کہ وہ بالی ووڈ فلم میں کام کرنے میں اپنا وقت ضائع نہیں کریں گے۔