سنی دیول اور امیشا پٹیل کی اداکاری سے سجی فلم’غدر۲‘۲۰۲۳ءکی مشہور فلموں میں سے ایک تھی۔ اب تازہ ترین اپ ڈیٹ یہ ہےکہ’غدر۲‘کو اس سال اس کی پہلی سالگرہ پر دوبارہ سینما گھروں میں ریلیز کیا جائے گا۔

سنی دیول اور امیشا پٹیل کی اداکاری سے سجی فلم’غدر۲‘۲۰۲۳ءکی مشہور فلموں میں سے ایک تھی۔ اب تازہ ترین اپ ڈیٹ یہ ہے کہ ’غدر۲‘کو اس سال اس کی پہلی سالگرہ پر دوبارہ سینما گھروں میں ریلیز کیا جائے گا۔ فلم۴؍ اگست کو دوبارہ ریلیزکی جارہی ہے لیکن اب اسےسماعت سے محروم افرادکیلئےہندوستانی اشاروں کی زبان کےساتھ ریلیزکیا جائےگا۔ جب سماعت سے محروم افراد کیلئے کام کرنے والے آلوک کیجریوال کے ذریعہ قائم کی گئی تنظیم سے’انڈیا سائننگ ہینڈز‘(آئی ایس ایچ نیوز) سے زی اسٹوڈیونے رابطہ کیا تو وہ شرکت کرنے کے لیے بہت پرجوش تھے۔ اداکارسنی دیول نے کہا، ’غدر۲‘ایک ایسی فلم ہے جس کا میرے دل میں ایک خاص مقام ہے اور ہمیشہ رہے گا۔ لہٰذا، ریلیز کے ایک سال بعد بھی ناظرین کی جانب سے مسلسل محبت اور حمایت کو دیکھ کر بہت خوشی ہوتی ہے۔