جنوبی ہند اور بالی ووڈ کی فلمیں کرچکی اداکارہ تمنا بھاٹیہ کو حال ہی میں فلمساز اور ہدایتکار مدھر بھنڈارکر کے دفتر کے باہر دیکھا گیا تھا۔

جنوبی ہند اور بالی ووڈ کی فلمیں کرچکی اداکارہ تمنا بھاٹیہ کو حال ہی میں فلمساز اور ہدایتکار مدھر بھنڈارکر کے دفتر کے باہر دیکھا گیا تھا۔ اس سے قیاس آرائیاں ہورہی ہیںکہ وہ جلد ہی مدھر کے ساتھ کام کرنے والی ہیں۔پیلے سوٹ میں وہ دفتر کے باہر نظرآئی تھیں اور ذرائع کا کہنا ہے کہ انہوں نے مدھر سے اپنے نئے پروجیکٹ کے بارے میں بات چیت کی ہوگی۔ تمنا اس وقت بالی ووڈ اور جنوبی ہند میں کام کررہی ہیں۔  حالانکہ ذرائع نے یہ نہیں بتایاکہ ان کی اور ہدایتکار کی کیا بات چیت ہوئی ہے۔ صرف قیاس آرائی کی جارہی ہے۔ وہاں موجود میڈیا کے نمائندوں نے ان سے بات چیت کرنے کی بہت کوشش کی لیکن وہ ناکام رہے کیونکہ تمنا نے صرف دور سے ہاتھ ہلاکر سب کو الوداع کہہ دیا۔