معروف ٹی وی شو ’تارک مہتا کا الٹا چشمہ‘ میں ’ٹپو‘ کا کردار نبھانے والے اداکار بھاویہ گاندھی کی سیریل میں واپسی کی خبریں گردش کر رہی ہیں۔

 معروف ٹی وی شو ’تارک مہتا کا الٹا چشمہ‘ میں ’ٹپو‘ کا کردار نبھانے والے اداکار بھاویہ گاندھی کی سیریل میں واپسی کی خبریں گردش کر رہی ہیں۔ تارک مہتا کا الٹا چشمہ کے مداحوں کی بڑی تعداد موجود ہے جو اس ڈرامے کے اہم کردار اور جیٹھا لال کے بیٹے کو طویل عرصے سے یاد کر رہے تھے۔۱۴؍ سال قبل شروع ہونے والا ڈرامہ تارک مہتا کا الٹا چشمہ اب بھی جاری ہے تاہم گزشتہ کچھ وقت سے اس کے شائقین کے لئے اچھی خبریں نہیں آ رہی ہیں۔ بھاویہ گاندھی کے بعد ’ٹپو‘ کا کردار اداکار راج انادکٹ نبھا رہے تھے تاہم ۵؍ سال تک پروجیکٹ کا حصہ رہنے کے بعد اب انہوں نے بھی اس سے علیحدگی کا اعلان کر دیا۔راج انادکٹ کے جانے کے بعد ایک بار پھر بھاویہ گاندھی کی واپسی کی قیاس آرائیاں ہو رہی ہیں لیکن بھاویہ گاندھی نے واپسی کی خبروں کو غلط قرار دے دیا۔انہوں نے بتایا کہ یہ سچ نہیں محض افواہیں ہیں، میں دوبارہ ڈرامے کا حصہ نہیں بن رہا۔