جوان سمراٹ ناگا چیتنیا کی فلم ٹنڈیل اس وقت موضوع بحث ہے، فلم کے پہلے گانے ’بجی تھلی‘ کی ریلیز کے بعد لوگوں کا تجسس کافی بڑھ گیا ہے۔

نوجوان سمراٹ ناگا چیتنیا کی فلم ٹنڈیل اس وقت موضوع بحث ہے، فلم کے پہلے گانے ’بجی تھلی‘ کی ریلیز کے بعد لوگوں کا تجسس کافی بڑھ گیا ہے۔ راک اسٹار دیوی سری پرساد کی طرف سے کمپوز کیا گیا یہ نغمہ گانا جلد ہی میوزک چارٹس میں سرفہرست ہوگیا اور فوری طور پر ہٹ بھی ہوگیا۔ سائی پلوی  کے ساتھ ناگا چیتنیا پر فلمایا گیایہ گانا ایک مدھر ٹکڑا ہے جس نے سامعین کے دلوں کو چھو لیا ہے اور فلم کے میوزیکل سفر کیلئے ایک چارٹ بسٹر ٹون سیٹ کیا ہے۔ ناگا چیتنیا کو سالگرہ کی مبارکباد دیتے ہوئے، ٹنڈیل کے فلم سازوں نے ایک طاقتور پوسٹر جاری کیا ہے۔ پوسٹر میں ناگاچیتنیااپنے ہاتھ میں ایک بھاری لنگر پکڑے ، طوفانی بارش کے درمیان ایک جہاز پر کھڑے نظر آتے ہیں، اس کا شدید اظہار اور طاقتور موقف خطرے اور عزم کا احساس دلاتا ہے۔ یہ خاص ایکشن سیکوئنس فلم کی سب سے بڑی توجہ کا مرکز بننے جا رہا ہے۔

حقیقی واقعات سے متاثر ہو کر یہ فلم بنی واس نے گیتا آرٹس کے نامور بینر کے تحت تیار کی ہے اور اسے اللو اروند نے پیش کیا ہے۔ نیشنل ایوارڈ یافتہ ٹیکنیشن نوین نولی نے فلم کی ایڈینٹنگ کی ہے۔ سری ناگیندر تنگالا پروڈکشن ڈیزائنر ہیں۔فلم ٹنڈیل ۷؍فروری ۲۰۲۵ء کو ریلیز ہوگی اور ٹیم اس فلم کے تئیں لوگوں کا جوش بڑھانے میں کوئی کسر نہیں چھوڑ رہی ہے۔