بالی ووڈ فلمساز ہنسل مہتا کی اگلی سیریز ’لٹیرا‘ کا ٹیزرجاری کردیا گیاہے۔ اس میں رجت کپور مرکزی کردار میں ہیں۔ اسے ڈزنی پلس ہاٹ اسٹار کے یوٹیوب چینل پرجاری کیاگیا۔

بالی ووڈ فلمساز ہنسل مہتا کی اگلی سیریز ’لٹیرا‘ کا ٹیزرجاری کردیا گیاہے۔ اس میں رجت کپور مرکزی کردار میں ہیں۔ اسے ڈزنی پلس ہاٹ اسٹار کے یوٹیوب چینل پرجاری کیاگیا۔ ٹیزر کا آغاز ایک سمندری منظر سے ہوتا ہے، جس میں غیرملکیوں کا ایک گروپ ہاتھوں میں بندوقیں لیے ایک کشتی پر سوار ہوتے ہوئے نظر آتا ہے، پھر رجت بحریہ کے افسرکے طور پر داخل ہوتے ہیں۔ وہ سنجیدگی سے انہیں دوربین کے ذریعے دیکھ رہے ہیں۔ حملے کی تیاریاں کی جاتی ہیں اور اس سے پہلے یہ ٹیزر ختم ہو جاتا ہے۔ اب یہیں سے سامعین کا تجسس بڑھتا ہے کہ آگے کیا ہوگا۔ یہ ٹیزر۲۴؍سیکنڈکاہے۔ اس کی آمد کے ساتھ ہی سوشل میڈیا پر بھی مداحوں کا جوش و خروش بڑھ گیا۔ 
 رپورٹس کے مطابق ’لٹیرا‘صومالیہ کے سمندر کے پس منظر پر مبنی ہے۔ اس کی ریلیز کے بعد سے، اس کے ٹیزر کو مجموعی طور پر۱۱؍لاکھ مرتبہ دیکھا جاچکاہے۔ یہ سیریز۲۲؍مارچ کو ڈزنی پلس ہاٹ اسٹار پرنشر کی جائے گی۔ اس میں رجت کپور، عامر علی جیسے ستارے مرکزی کردار میں ہیں۔ اسے جئےمہتا نے ڈائریکٹ کیا ہے۔ 
اس سیریز کوکرما میڈیا اینڈ انٹرٹینمنٹ کے بینر تلے تیارکیا گیا ہے، اس کے حوالے سے سوشل میڈیا پر لوگوں کے تبصرے آنے لگے۔ ایک صارف لکھتا ہے ’’آخر کار اب انتظار ختم ہو گیا ہے۔ ‘‘جب کہ ایک اور صارف لکھتا ہے’’اب مزید انتظار نہیں ہے۔ ‘‘