ابھے دیول کی اداکاری سے سجی ویب سیریز۱۳؍جنوری کو او ٹی ٹی پلیٹ فارم نیٹ فلکس پر ریلیز کی جائے گی

 ابھے دیول کی ویب سیریز ٹرائل بائےفائر کا ٹریلر جاری کر دیا گیا ہے۔ یہ آگ لگنے کے ایک واقعے کی کہانی ہے جو سال۱۹۹۷ءمیںاس وقت پیش آیا تھاجب اپہارسنیما میں ایک فلم کے شو کے دوران آگ لگ گئی تھی۔اس حادثے نے بہت سے لوگوںسے ان کے پیارے چھین لیے تھے۔ اس المناک حادثے میں۵۹؍افراد جان کی بازی ہار گئے اور۱۰۰؍سےزائد زخمی ہوئے۔یہ سیریز آتشزدگی کے اس واقعہ پر مبنی ہے۔ اس کےٹریلر میں دکھایا گیا ہےکہ اپہارسنیما میں شو کے دوران زبردست آگ لگنے سے سیکڑوں خاندانوں کے  افراد اپنی جان سے ہاتھ دھو بیٹھے۔ نیلم اور شیکھر کرشنامورتی نے بھی اپنے دو بچوں کو آگ کے سانحہ میں کھودیا تھا۔اورکیسےوہ دونوں۲؍دہائیوں سےبھی زیادہ عرصے تک انصاف کیلئے لڑتے رہے۔اس کے ساتھ ہی’ٹرائل بائی فائر‘ نامی یہ سیریزاپہارسنیماآتشزدگی واقعے کے پیچھے کی سازش کو بھی بے نقاب کرتی نظر آئے گی۔
 اس سیریز میں ابھے دیول کے علاوہ ہندی سنیما کے تجربہ کار اداکار انوپم کھیر، آشیش ودیارتھی، راجیش تیلانگ اور اداکارہ راج شری دیشپانڈے بھی نظر آئیں گے۔’ٹرائل بائی فائر‘کی ریلیز کی تاریخ کے بارے میں بات کرتے ہوئے، یہ ویب سیریز او ٹی ٹی پلیٹ فارم نیٹ فلکس پر ۱۳؍ جنوری۲۰۲۳ءکو جاری کی جائے گی۔