ٹیلی ویژن کاسب سےمشہورریئلٹی شو’بگ باس‘ اپنے۱۸؍ویں سیزن کے ساتھ واپسی کر رہا ہے۔ اس بار بھی بالی ووڈ اداکارسلمان خان شو کی میزبانی کریں گے۔

ٹیلی ویژن کاسب سےمشہورریئلٹی شو’بگ باس‘ اپنے۱۸؍ویں سیزن کے ساتھ واپسی کر رہا ہے۔ اس بار بھی بالی ووڈ اداکارسلمان خان شو کی میزبانی کریں گے۔ پچھلی بار کی طرح اس کی شوٹنگ ممبئی کے فلم سٹی میں کی جائے گی۔ اسے آرٹ اوربالی ووڈ کے ہدایت کار اومنگ کمار اور ان کی اہلیہ ونیتا اومنگ کمار نےتیار کیا ہے۔ شو کے سیٹ کو’ٹائم کا تانڈو‘کے تھیم کے مطابق ڈیزائن کیا گیا ہے۔ انہوں نے کہا کہ ’’اس سال کا تھیم ماضی، حال اور مستقبل کے گرد گھومے گا۔ ہم نے ایک خاص غارتھیم کا انتخاب کیا۔ جب ہم نے اس کے بارے میں سوچا تو ہم نے سوچا کہ ہم کتنے سال پیچھے جا سکتے ہیں۔ کیا ہم ہزاروں سال پیچھے جا سکتےہیں ؟ پرانی دیواروں پربنائی گئی پینٹنگز ہمیں متاثر کرتی ہیں۔ اس غار تھیم کے ذریعے، ہم چاہتے تھے کہ مقابلہ کرنے والے ایک حیرت انگیز سفر پر جائیں، جہاں تاریخ کی بازگشت سنائی دے سکے۔ ‘‘ انہوں نے مزید کہا کہ’’ڈیزائننگ کے دوران ہمیں فلورپلان پر بہت زیادہ توجہ دینا ہوگی۔ ہمیں سوچنے کی ضرورت ہوتی ہے کہ کس چیزکوکیسے توڑنا ہے کیمرے کیلئے بھی کئی مقامات کو چھپانے کی ضرورت ہوتی ہے۔ اس بار۱۰۷؍کیمرے استعمال کیے گئے ہیں، جو مختلف مقامات پر لگائے گئے ہیں۔