عامر خان کی ’’لا سنگھ چڈھا‘‘ ٹام ہینکس کی ۱۹۹۴ء کی فلم ’’فاریسٹ گمپ‘‘ کا آفیشیل ریمیک تھی۔ تاہم، یہ فلم باکس آفس پر بمشکل ۶۰؍ کروڑ روپے کما سکی تھی۔

عامر خان کی ’’لال سنگھ چڈھا‘‘ باکس آفس پر اچھی کارکردگی کا مظاہرہ نہیں کرسکی تھی۔ دراصل یہ عامر کیلئے ایک بڑا جھٹکا تھا۔ خیال رہے کہ ’’لال سنگھ چڈھا‘‘ ہالی ووڈ فلم ’’فاریسٹ گمپ‘‘ (۱۹۹۴ء) کا ریمیک تھی جس میں ٹام ہینکس نے مرکزی کردار ادا کیا تھا۔ ٹام نے ’’لال سنگھ چڈھا‘‘ کو شاندار قرار دیا۔ ایک حالیہ انٹرویو میں، ٹام ہینکس نے ریمیک کے بارے میں بات کی اور عامر کی فلم کو سراہا۔ اداکار نے زوم کو بتایا کہ ’’مَیں نے وہ فلم (لال سنگھ چڈھا) دیکھی ہے۔ یہ غیر معمولی ہے۔ میرے خیال میں یہ اس بات کا ثبوت ہے کہ فلم پر فلم کیسے بنتی اور آگے بڑھتی ہے۔ عامر خان کی فلم شاندار تھی۔ ‘‘
یاد رہے کہ اگست ۲۰۲۲ء میں جب ’’لال سنگھ چڈھا‘‘ ریلیز ہوئی تھی تو وہ باکس آفس پر بمشکل ۶۰؍ کروڑ روپے کما سکی تھی۔ اس کے بعد عامر خان کافی مایوس ہوگئے تھے۔