Inquilab Logo Happiest Places to Work

ٹام ہالینڈ کی ’’اسپائیڈرمین ۴‘‘ ۳۱؍ جولائی ۲۰۲۶ء کو ریلیز ہوگی

Updated: April 01, 2025, 7:06 PM IST | Los angeles

مارل اسٹوڈیوز نے باقاعدہ اعلان کیا ہے کہ ’’اسپائیڈر مین: برانڈ نیو ڈے‘‘ (اسپائیڈر مین ۴) ۳۱؍ جولائی ۲۰۲۶ء کو ریلیز ہوگی۔ واضح رہے کہ چند دنوں قبل اسٹوڈیو نے ’’اوینجرز: ڈومس ڈے‘‘ کا اعلان کیا ہے جو یکم مئی ۲۰۲۶ء کو ریلیز ہوگی۔

Photo: INN
تصویر: آئی این این

’’اسپائیڈر مین: نو وے ہوم‘‘ کی شاندار کامیابی کے چار سال بعد، مارول سنیماٹک یونیورس نے ’’اسپائیڈر مین‘‘ فرنچائز کی چوتھی قسط کا باضابطہ اعلان کیا ہے۔ اس فلم کا نام ہے ’’اسپائیڈر مین: برانڈ نیو ڈے‘‘ جس میں ٹام ہالینڈ ایک مرتبہ پھر اسپائیڈر مین کے کردار میں نظر آئیں گے۔ یہ فلم ۳۱؍ جولائی ۲۰۲۶ء کو سنیما گھروں میں ریلیز ہوگی۔خیال رہے کہ یہ فلم گزشتہ ۳؍ فلموں سے بالکل مختلف ہوگی کیونکہ اس میں لوگوں کو معلوم نہیں ہے کہ اسپائیڈرمین کون ہے۔ اس سے یہ بھی واضح ہوتا ہے کہ ’’ایونجرز: ڈومس ڈے‘‘ کی کاسٹ کا جب کچھ دنوں پہلے اعلان کیا گیا تو اس میں ٹام ہالینڈ کیوں نظر نہیں آئے تھے۔ 
واضح رہے کہ ۲۰۲۶ء مارول کیلئے ایک اہم سال ہے۔ اس میں یکم مئی کو ’’ایونجرز: ڈومس ڈے‘‘ اور اس کے ۳؍ ماہ بعد ’’اسپائیڈرمین: برانڈ نیو ڈے‘‘ ۳۱؍ جولائی کو ریلیز ہوگی۔ مجموعی طور پر، فلموں اور شوز سمیت مجموعی طور پر سات مارول پروجیکٹس ۲۰۲۶ء میں ریلیز ہو رہے ہیں۔ جن میں متذکرہ دو فلموں کے علاوہ ’’ڈیر ڈیول بورن اگین سیزن۲‘‘ (ڈزنی+ شو)،’’ پنشر‘‘ (ڈزنی+ اسپیشل)، ’’وِژن‘‘ (ڈزنی+ شو)،’’ ایکس مین ۹۷: سیزن ۲‘‘ (ڈزنی پلس شو) اور ’’یور فرینڈلی نیبر ہڈ اسپائیڈرمین سیزن ۲‘‘ (ڈزنی پلس شو) شامل ہیں۔ خیال رہے کہ ’’ڈومس ڈے‘‘ کیلئے ٹام ہالینڈ کا اعلان نہیں کیا گیا تھا۔ لیکن اتنا یقینی ہے کہ اس کے بعد کے پروجیکٹس میں اداکار شامل ہوں گے۔ ۷؍ مئی ۲۰۲۷ء کو ریلیز ہونے والی ’’ایوینجرز: سیکرٹ وارز‘‘ میں ٹام ہالینڈ کو شامل کیا گیا ہے۔ 

متعلقہ خبریں

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK