:بالی ووڈ کے مشہور ڈائریکٹر مدھر بھنڈارکر کی آئندہ فلم’انڈیا لاک ڈاؤن’ کا ٹریلر ریلیز ہوگیا ہے۔یہ فلم ۲؍دسمبر کو او ٹی ٹی پلیٹ فارم جی۔۵؍پر ریلیز ہوگی

بالی ووڈ کے مشہور ڈائریکٹر مدھر بھنڈارکر کی آئندہ فلم’انڈیا لاک ڈاؤن’ کا ٹریلر ریلیز ہوگیا ہے۔یہ فلم ۲؍دسمبر کو او ٹی ٹی پلیٹ فارم  جی۔۵؍پر ریلیز ہوگی۔یاد رہے کہ مدھر بھنڈارکر نے اس فلم کو لاک ڈاؤن کے دوران شوٹ کیا تھا۔اس فلم میں ۴؍ کرداروں نے الگ الگ کہانی کے ذریعے ہندوستان میں کورونا کی وباء کے دوران لگے پہلے لاک ڈاؤن کی کہانی کو بیان کیا  ہے۔
 ’انڈیا لاک ڈاؤن‘ کے ٹریلر میں دکھایا گیا ہے کہ کووڈ کے دوران کس طرح سے لوگوں کی زندگیوں میں تبدیلی آئی۔کورونا کی وباء کی وجہ سے پورا ملک ایک طرح سے ٹھہر گیا تھا۔مدھر بھنڈارکر کے ساتھ امیت جوشی اور آرادھنا شاہ کی لکھی کہانی ’انڈیا لاک ڈاؤن‘ ان الگ الگ لوگوں کی زندگی کے بارے  میںبتاتی ہے جو کورونا کی وجہ سے عجیب و غریب حالات کا شکار ہوگئے تھے۔یہ فلم جینتی لال گاڑا(پین اسٹوڈیو) اور مدھر بھنڈارکر انٹرٹینمنٹ،پرنو جین،دھول جینتی لال گاڑا اور اکشے جینتی لال گاڑا مل کر بنا رہے ہیں۔فلم ’انڈیا لاک ڈاؤن‘ میں پرتیک ببر،شویتا بسو پرساد،سائی تامہنکر،اہانا کُمرا،زرین شہاب،عائشہ ایمن،ساتوک بھاٹیا اور سانند ورما جیسے اداکار نظر آئیںگے