جنوبی ہند کے میگا اسٹار رجنی کانت کو یو اے ای حکومت کی جانب سے گولڈن ویزا تفویض کیا گیا ہے جس کے تحت وہ متحدہ عرب امارت میں کہیں بھی پراپرٹی خرید سکتے ہیں، کسی بھی وقت وہاں کا دورہ کرسکتے ہیں اور وہاں ۱۰؍ سال تک رہائش اختیار کرسکتے ہیں۔

جنوبی ہندوستانی فلموں کے میگا اسٹار رجنی کانت کو متحدہ عرب امارات (یو اے ای) کے محکمہ ثقافت اور سیاحت نے گولڈن ویزا دیا ہے۔ اس ضمن میں رجنی کانت حال ہی میں ابوظہبی گئے تھے جہاں انہیں گولڈن ویزا تفویض کیا گیا۔ رجنی کانت نے سوشل میڈیا پر ایک ویڈیو شیئر کرکے مداحوں کو یہ اطلاع دی ہے۔ اس کے ساتھ ہی رجنی کانت نے ابوظہبی حکومت اور لولو گروپ کے چیئرمین اور منیجنگ ڈائریکٹر ایم اے یوسف علی کا بھی اس کیلئے شکریہ ادا کیا ہے۔
ایکس پر رجنی کانت کی کئی تصاویر اور ویڈیوز ہیں جن میں وہ ابوظہبی حکومت کا شکریہ ادا کر رہے ہیں۔ اس ویڈیو میں انہیں یہ کہتے ہوئے سنا جا سکتا ہے کہ مجھے ابوظہبی حکومت کی طرف سے باوقار یو اے ای کا گولڈن ویزا ملنا بہت اعزاز کی بات ہے، میں ابوظہبی حکومت اور اپنے دوست یوسف کا اس ویزا کی سہولت فراہم کرنے اور تمام تعاون کیلئے شکریہ ادا کرنا چاہتا ہوں۔ میں لولو گروپ کے سی ایم ڈی علی کا بھی شکریہ ادا کرتا ہوں۔ واضح رہے کہ گولڈن ویزا کے تحت رجنی کانت متحدہ عرب امارت میں کہیں بھی پراپرٹی خرید سکتے ہیں، کسی بھی وقت وہاں کا دورہ کرسکتے ہیں اور وہاں ۱۰؍ سال تک رہائش اختیار کرسکتے ہیں۔

Thalaivar #Rajinikanth receives THE Golden Visa from the UAE (DUBAI) govt, through chairman and MD of LULU group.

Benefits:

* He can own a property.
* He can visit any time.
* He can reside for 10 years.
* Can sponsor family members pic.twitter.com/yrWQEQEdKU

— Cinema Update (@cinemasupdates_) May 23, 2024

اس سے قبل یو اے ای حکومت نے متعدد ہندوستانیوں کو گولڈن ویزا تفویض کیا ہے جن میں شاہ رخ خان، سلمان خان، رنویر سنگھ، ورون دھون، کریتی سینن، مموٹی، کمل ہاسن، نیہا ککڑ اور ان کے شوہر روہن پریت سنگھ کے نام قابل ذکر ہیں۔  علاوہ ازیں، سپر تھرٹی کے بانی آنند کمار کو بھی گولڈن ویزا تفویض کیا جاچکا ہے۔