فلم فیئر کی رپورٹ میں انکشاف کیا گیا ہے کہ وکی کوشل کبیر خان کے ساتھ ایک فلم کریں گے جس کا نام اب تک طے نہیں کیا گیا ہے۔یاد رہےکہ وکی کوشل کی فلم ’’چھاوا‘‘۱۴؍ فروری کوسنیما گھروں میں ریلیز ہوگی جس میں انہوںنے چھترپتی شیواجی مہاراج کا کردار ادا کیا ہے۔

وکی کوشل اپنی فلم ’’چھاوا‘‘ کی ریلیز کیلئے تیار ہیں۔ یہ تاریخی ڈراما فلم ۱۴؍ فروری ۲۰۲۵ء کو ریلیز ہوگی۔ تاہم،اس درمیان یہ رپورٹس سامنے آئی ہیں کہ وکی کوشل کبیر خان سے ان کی اگلی فلم کے بارے میں گفتگو کر رہے ہیں۔ اب تک اس تعلق سے زیادہ تفصیلات فراہم نہیں کی گئی ہیں لیکن یہ خبر وکی کوشل کے مداحوں کیلئے مزیدار ہے۔‘‘

فلم فیئر نے رپورٹ کیا ہے کہ’’کبیر خان اور کترینہ کیف کی دوستی بہت پرانی ہے۔ کترینہ کیف اوروکی کوشل کے ملنے کے بعد بھی کبیر خان سے وکی کوشل کی دوستی اچھی رہی اور وہ وکی کوشل کے استاد رہے۔اتنے برسوں بعد وکی کوشل کبیر خان کے ساتھ ایک فلم میں کام کریں گے۔یہ بات اب تک مخفی رکھی گئی ہے لیکن یہ ایک بہترین فیصلہ ہے۔‘‘حال ہی میں وکی کوشل کی فلم ’’چھاوا‘‘کا ٹریلر جاری کیا گیا ہے جسے مداحوں کے ذریعے کافی پسند کیا گیا ہے۔’’چھاوا‘‘ کے ٹریلر میں مغلوں اور مراٹھاؤں کے درمیان کی جنگ دکھائی گئی ہے۔ اس فلم کی ہدایتکاری کے فرائض لکشمن اتیکر نے انجام دیئے ہیںجو ’’میمی (۲۰۲۱ء) اور ’’لکا چھپی‘‘ (۲۰۱۹ء)جیسی فلموں کیلئے مشہور ہیں۔ ’’چھاوا‘‘ وکی کوشل اور لکشمن اتیکر کے درمیان ’’ذرا ہٹ کے ذرا بچ کے‘ ‘ (۲۰۲۳ء)کے بعد دوسرا اشتراک ہے۔ 

’’چھاوا‘‘تاریخی ڈراما فلم ہے جو چھترپتی شیواجی مہاراج کی زندگی کے اطراف گھومتی ہے۔ فلم میں وکی کوشل نے چھترپتی شیواجی مہاراج کا کردار ادا کیا ہے جو مراٹھا سلطنت کے بانی کے سب سے بڑے بیٹے ہیں۔ فلم میں دیویا دتااور اشیتوش رانا نے بھی اداکاری کی ہے۔