ہندی سنیما کے ایکشن کنگ ودیوت جاموال نے فلم دھاکڑ میں کنگنا رناوت کے ایکشن سیکوینس دیکھنے کے بعد ان کی تعریف کی ہے۔

 ہندی سنیما کے ایکشن کنگ ودیوت جاموال نے فلم دھاکڑ میں کنگنا رناوت کے ایکشن سیکوینس دیکھنے کے بعد ان کی تعریف کی ہے۔اداکارہ کنگنا رناوت نے ودیوت کے اس بیان پر ردعمل بھی دیا ہے۔ مارشل آرٹس میں کمال رکھنے والے ودیوت جاموال کو ایکشن کا بادشاہ کہا جاتا ہے۔ حال ہی میں ودیوت جاموال نے اپنی آنے والی فلم خدا حافظ چیپٹر۲؍ کی تشہیر کے دوران ایک انٹرویو میں کنگنا رناوت کی تعریف کی۔ ودیوت نے فلم `دھاکڑ میں کنگنا کے ایکشن کو بہت اچھا قرار دیا ہے۔ اس درمیان، ودیوت کے منہ سے ان کی تعریف سننے کے بعد، کنگنا رناوت نے اپنے آفیشل انسٹاگرام ہینڈل پر کچھ تصاویر شیئر کرکے لکھا کہ ملک کے بہترین ایکشن ہیرو نے میرے ایکشن مناظر کو سراہا ہے۔