بالی ووڈ اداکار وجے ورما اور تمنا بھاٹیہ ان دنوں اپنی شادی کی خبروں کی وجہ سے خبروں میں ہیں۔ رپورٹس کے مطابق دونوں ایک لگژری اپارٹمنٹ کی تلاش میں ہیں جس سے یہ قیاس آرائیاں کی جا رہی ہیں کہ وہ شادی کے بعد ایک ساتھ رہ سکتےہیں۔

بالی ووڈ اداکار وجے ورما اور تمنا بھاٹیہ ان دنوں اپنی شادی کی خبروں کی وجہ سے خبروں میں ہیں۔ رپورٹس کے مطابق دونوں ایک لگژری اپارٹمنٹ کی تلاش میں ہیں جس سے یہ قیاس آرائیاں کی جا رہی ہیں کہ وہ شادی کے بعد ایک ساتھ رہ سکتےہیں۔ تاہم اس حوالے سے ابھی تک کسی فریق کی جانب سے کوئی باضابطہ بیان سامنے نہیں آیا ہے۔ 
وجے ورما اور تمنا بھاٹیہ کچھ عرصے سے ایک دوسرے کو ڈیٹ کررہے ہیں۔ دونوں کو اکثر ایک ساتھ دیکھا جاتا ہے۔ حال ہی میں ایک انٹرویو میں وجے نےاپنی اور تمنا کی بانڈنگ کے بارے میں بات کی۔ انہوں نے کہا کہ جب ان کی ڈیٹنگ کی خبر سامنے آئی تو لوگوں کے ردعمل نے انہیں حیران کر دیا۔ میش ایبل انڈیا سے بات کرتےہوئے وجے نے کہا، ’’میں حیران تھا کہ لوگوں کو میری محبت کی زندگی میں کتنی دلچسپی ہے، لیکن اب مجھے اس کی عادت ہو گئی ہے۔ ‘‘انہوں نےیہ بھی کہا کہ ان کا رشتہ مضبوط اور پیار بھرا ہے اور وہ اب عوام کی توجہ سے لطف اندوز ہو رہے ہیں۔