ون ڈیزل نے کہا ’’ یہ اس خاندان کا جشن ہے جسے ہم نے مل کر بنایا ہے۔‘‘ فاسٹ ۱۱؍ میں جیسن سٹیتھم، چارلیزے تھیورن، ناتھالی ایمنیوئل ، جارڈونا بریسوٹر، لوڈاکریس اور ڈوئین جانسن نظر آئیں گے ۔ یہ فلم ۴؍ اپریل ۲۰۲۵ء کو ریلیز ہوگی۔
EPAPER
Updated: February 27, 2024, 3:41 PM IST | Inquilab News Network | Mumbai
ون ڈیزل نے کہا ’’ یہ اس خاندان کا جشن ہے جسے ہم نے مل کر بنایا ہے۔‘‘ فاسٹ ۱۱؍ میں جیسن سٹیتھم، چارلیزے تھیورن، ناتھالی ایمنیوئل ، جارڈونا بریسوٹر، لوڈاکریس اور ڈوئین جانسن نظر آئیں گے ۔ یہ فلم ۴؍ اپریل ۲۰۲۵ء کو ریلیز ہوگی۔
ہالی ووڈ اداکار اور پروڈیوسر وِن ڈیزل نے سوشل میڈیا پر ایک پوسٹ جاری کرتے ہوئے کہا کہ ’’فاسٹ ۱۱، فاسٹ اینڈ فیوریس سیریز کی آخری فلم ہوگی۔‘‘
انسٹاگرام پر اپنے کردار ڈومینک ٹوریٹو کی تصویر شیئر کرتے ہوئے انہوں نے لکھا کہ’’یہ کہنا درست ہوگا کہ ہماری پوری ٹیم فئنل کیلئے پرجوش ہے اور پوری طاقت کا مظاہرہ کرے گی۔‘‘
مشیل روڈیگز کے ساتھ اداکاری کر نے والے ڈیزل نے کہا کہ ’’یہ کہانی اسکرین پر صرف ان مداحوں کی وجہ سے آئی ہے جو بین الاقوامی فلمیں دلچسپی سے دیکھتے ہیں۔ یہ گرینڈ فنالے اختتام نہیں ہے بلکہ یہ جشن ہے اس خاندان کا جو ہم نے ساتھ مل کر بنایا ہے۔‘‘
واضح رہے کہ فاسٹ ۱۱؍ گزشتہ سال ریلیز ہونے والی فلم ’’فاسٹ ایکس (ٹین) ‘‘ کا سیکویل ہے۔ فاسٹ ۱۱؍ میں جیسن سٹیتھم ، چارلیزے تھیورن، ناتھالی ایمنیوئل، جارڈونا بریسوٹر، لوڈاکریس اپنے کرداروں میں دوبارہ نظر آئیں گے۔ ڈوئین جانسن بھی فلم میں دوبارہ نظر آئیں گے۔
یاد رہے کہ اس سیریز کی پہلی فلم ۲۰۱۱ء میں ریلیز ہوئی تھی جس نے مداحوں کو لاس اینجلس کی زیر زمین اسٹریٹ ریسنگ کی دنیا سے متعارف کرایا۔ ہدایتکار روب کوہن اوراسکرپٹ رائٹر گیری اسکوٹ تھامسن کی یہ فلم سیریز ہائی ایکشن اور خاندان کے ساتھ وفاداری پر زور دینے کیلئے مشہور ہے۔ فاسٹ ۱۱؍ کے ہدایتکار لوئس لیٹریئر ہیں اور یہ فلم ۴؍ اپریل ۲۰۲۵ء کو سنیما گھروں میں ریلیزہوگی۔
