ہالی ووڈ کی مشہور فلم `فاسٹ اینڈ فیوریس کےکردار وین ڈیزل نے اپنے آنجہانی دوست پال واکر کی کمی پوری کرتے ہوئے ان کی بیٹی میڈو واکر کی شادی میں اس کا ہاتھ تھاما اور ایک باپ کی طرح اسے اسٹیج تک لے گئے

ہالی ووڈ کی مشہور فلم `فاسٹ اینڈ فیوریس کےکردار وین ڈیزل نے اپنے آنجہانی دوست پال واکر کی کمی پوری کرتے ہوئے ان کی بیٹی میڈو واکر کی شادی میں اس کا ہاتھ تھاما اور ایک باپ کی طرح اسے اسٹیج تک لے گئے۔ہالی ووڈ کی ایکشن، تھرل اور خطرناک مناظر سے بھرپور فلمی سیریز `فاسٹ اینڈ فیوریس کے ہیرو آنجہانی پال واکر کی اکلوتی بیٹی اور ماڈل میڈو واکر نے شادی کرلی ہے۔میڈو واکر نے شادی کی تقریب کی تصاویر سوشل میڈیا پر شیئر کی ہیں جن میں دیکھا جاسکتا ہے کہ وین ڈیزل  اپنے  دوست کی کمی پوری کرتے ہوئے میڈو واکر کا ہاتھ تھام کر اسے اسٹیج تک لے جارہے ہیں۔خیال رہے کہ  وین ڈیزل اور پال واکر نے۲۰۰۱ء سے شروع ہونے والی فاسٹ اینڈ فیوریس سیریز کی ۶؍فلموں میں ساتھ کام کیا تھا جب کہ۲۰۱۳ء میں جب سیریز کی ۷؍ویں فلم کی شوٹنگ  شروع ہوچکی تھی تو پال واکر ایک کار حادثے میں ہلاک ہوگئے، ان کی موت کے بعد فلم کےکچھ بقیہ رہ جانے والے مناظر ان کے بھائی نے عکس بند کروائے۔