’’سکندر‘‘ کی ریلیز سے قبل سلمان خان، عامر خان اور ہدایتکار اے آر مروگاداس کا ایک کلپ جاری کیا گیا جس میں عامر نے مروگاداس سے پوچھا کہ سلمان اور ان کے درمیان اصلی سکندر کون ہے؟ خیال رہے کہ عامر خان کی’’گجنی‘‘ کی ہدایتکاری کے فرائض بھی اے آر مروگاداس نے انجام دیئے ہیں۔

سلمان خان نے اپنی فلم ’’سکندر‘‘ کی ریلیز سے قبل عامر خان کے ساتھ تعاون کیا ہے۔ منگل کو ناڈیاڈوالا گرینڈ سنز کے آفیشل انسٹاگرام ہینڈل نے ایک ویڈیو جاری کیا جس میں سلمان خان، عامر اور ان کی فلم کے ہدایتکار اے آر مروگاداس کے ساتھ دکھائی دے رہے ہیں۔ پروموشنل کلپ میں سلمان اس وقت غصے میں نظر آئے جب عامر نے ہدایت کار سے پوچھا، ’’سلمان اور میرے درمیان، اصل سکندر کون ہے؟‘‘ ویڈیو مروگاداس کے جواب کے بغیر ختم ہو جاتی ہے کیونکہ متن میں لکھا ہے، ’’مکمل ویڈیو جلد ہی ریلیز کیا جائے گا۔‘‘

Three great legends in one frame! Sparks are bound to fly! 🔥🔥🔥 Get ready for the most brain teasing conversation!
Full video coming out soon! #SikandarMeetsGhajini @BeingSalmanKhan #AamirKhan #SajidNadiadwala’s #Sikandar
Directed by @ARMurugadoss @SKFilmsOfficial… pic.twitter.com/3KrHStHkm2

— Nadiadwala Grandson (@NGEMovies) March 25, 2025

ویڈیو کے کیپشن میں، پروڈکشن ہاؤس نے لکھا کہ ’’ایک فریم میں تین عظیم لیجنڈز! ان کے درمیان ہونے والی بات چیت کیلئے تیار ہو جایئے۔ مکمل ویڈیو جلد ریلیز ہوگی۔ جب گجنی، سکندر سے ملا۔‘‘ خیال رہے کہ ’’سکندر‘‘ ساجد ناڈیاڈوالا کے اہم پروجیکٹس میں سے ایک ہے، جس کی ہدایتکاری اے آر مروگادوس نے کی ہے۔ فلم میں سلمان خان کے علاوہ رشمیکا مندانا بھی مرکزی کردار میں ہیں۔ ۳۰؍ مارچ کو سنیما گھروں میں ریلیز ہوگی۔ خیال رہے کہ عامر خان کی’’گجنی‘‘ کی ہدایتکاری کے فرائض بھی اے آر مروگاداس نے انجام دیئے ہیں۔ علاوہ ازیں، ہدایتکار نے یہ بھی کہا ہے کہ ’’سکندر‘‘ میں ’’گجنی‘‘ کا بھی ذکر کیا گیا ہے۔