سیف علی خان سوشل میڈیا سے دور کیوں ہیں ؟

Updated: November 24, 2022, 11:59 AM IST | Agency | Mumbai

بالی ووڈ انڈسٹری کے چھوٹے نواب نے سوشل میڈیا استعمال نہ کرنے کی دلچسپ وجہ اپنے مداحوں کو بتا دی جسے جان کر ہوسکتا ہے کہ ان کے پرستاروں کی شکایت دور ہوجائے۔

Saif Ali Khan.Picture:INN
سیف علی خان ۔ تصویر :آئی این این

بالی ووڈ انڈسٹری کے چھوٹے نواب نے سوشل میڈیا استعمال نہ کرنے کی دلچسپ وجہ اپنے مداحوں کو بتا دی جسے جان کر ہوسکتا ہے کہ ان کے پرستاروں کی شکایت دور ہوجائے۔سیف علی خان کی اہلیہ کرینہ کپور اکثر اپنی اور اپنے گھر والوں کی جھلکیاں سوشل میڈیا پر شیئر کرتی رہتی ہیں جبکہ اس کے برعکس سیف علی خان سوشل میڈیا سے دور رہنے کو ترجیح دیتے ہیں۔میڈیا کو انٹرویو دیتے ہوئے سیف علی خان نے سوشل میڈیا سے دوری کی انتہائی دلچسپ وجہ بتاتے ہوئے کہا کہ ’’میں بہت فوٹوگرافیک پرسن ہوں، مجھے یادیں جمع کرنے کا بہت شوق ہے اس لئے میں ہر چھوٹی سے چھوٹی چیز کی تصاویر جمع کرتا رہتا ہوں، میرے پاس تصویروں کا ڈھیر ہے۔‘‘انہوں نے طنزیہ انداز میں مزید کہا کہ’ ’اب اکاؤنٹ رکھوں گا تو انہیں شیئر بھی کروں گا، لیکن لوگ کہتے ہیں یہ شیئر نہ کرو، وہ شیئر نہ کرو ایسے میں مجھے سوشل میڈیا اکاؤنٹ چلانے کیلئے  ایک منیجر رکھنا پڑ جائے گا اور کچھ بھی شیئر کرنے سے پہلے اس سے اجازت لینا پڑے گی، جو کہ غلط ہے۔‘‘انہوں نے مزید کہا کہ’ ’اس لئے سوشل میڈیا اکاؤنٹ رکھنے کا کوئی فائدہ نہیں ہے، جب میں کچھ شیئر ہی نہیں کرسکتا، میں اس میں نہیں پھنسنا چاہتا۔‘‘تاہم سیف علی خان کا کہنا ہے کہ صرف ایک چیز انہیں سوشل میڈیا اکاؤنٹ رکھنے پر مجبور کرسکتی ہے اور وہ ہے ’پیسہ‘۔

متعلقہ خبریں

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK