۲۳؍ فروری کو بنگلور کے ایم چناسوامی اسٹیڈیم میں ویمن پریمیئر لیگ ۲۰۲۴ء کی افتتاحی تقریب میں شاہ رخ خان اور شاہد کپور کے علاوہ ورون دھون ، کارتک آرین ، سدھارتھ ملہوترا اور ٹائیگر شروف نے بھی جلوے بکھیرے۔
EPAPER
Updated: February 24, 2024, 2:35 PM IST | Inquilab News Network | Bengaluru
۲۳؍ فروری کو بنگلور کے ایم چناسوامی اسٹیڈیم میں ویمن پریمیئر لیگ ۲۰۲۴ء کی افتتاحی تقریب میں شاہ رخ خان اور شاہد کپور کے علاوہ ورون دھون ، کارتک آرین ، سدھارتھ ملہوترا اور ٹائیگر شروف نے بھی جلوے بکھیرے۔
۲۳؍ فروری کو بنگلور کے ایم چنا سوامی اسٹیڈیم میں وویمن پریمئیر لیگ۲۰۲۴ء کی افتتاحی تقریب میں بالی ووڈ ستاروں نے مداحوں کو اپنے رقص سے محظوظ کیا۔ شاہ رخ خان نے فلم ’’پٹھان‘‘ کے نغمے ’’جھومے جو پٹھان‘‘ پر زبردست رقص کیا۔ شاہد کپور، ورون دھون اور سدھارتھ ملہوترا نے اپنے بہترین رقص سے مداحوں کا دل جیت لیا۔
سیاہ لباس میں ملبوس شاہ رخ کے اسٹیج پر آتے ہی اسٹیڈیم مداحوں کی سیٹیوں اور تالیوں سے گونج اٹھا۔ شاہ رخ نے اپنے مداحوں سے ایک بہترین شام کا وعدہ کرتے ہوئے کہا کہ ’’آپ کی مہمان نوازی کیلئے پٹھان تو آئے گا ہی، ناچے گا، نچائے گا اور جھومے گا۔‘‘
شاہ رخ نے ۲۰۲۳ء کی بلاک بلاسٹر فلم ’’پٹھان‘‘ کے ٹائٹل ٹریک ’’جھومے جو پٹھان‘‘ اور ایٹلی کی ’’جوان‘‘ کے گیت ’’رمیا وستاوَیا‘‘ پر رقص کیا اور اپنا شناختی پوز بھی دیا۔
تقریب میں ممبئی انڈینس کی نمائندگی کرنے والے شاہد کپورنے اسٹیڈیم میں کبیر سنگھ کی بیک گراؤنڈ میوزک کے ساتھ موٹر سائیکل پر انٹری کی۔ شاہد نے اپنی ۲۰۱۵ء کی فلم ’’ شاندار‘‘ کے ٹائٹل ٹریک پربھی پرفارم کیا۔
یوپی وارئرز کی نمائندگی کرنے والے ورون دھون نے اپنے سپر ہٹ گانے ’’تو میرا کوئی نہ ہو کے بھی کچھ لاگے‘‘ اور ’’پلٹ تیرا ہیرو ادھر ہے‘‘ پر پرفارم کیا۔
کارتک آرین نے اس تقریب میں گجرات جائنٹس کی نمائندگی کی۔ انہوں نے’’ بھول بھلیاں ۲‘‘ کے ٹائٹل ٹریک پر رقص کیا جبکہ ٹائیگر شروف نے رائل چیلنجرز بنگلور کیلئے اپنی پہلی فلم ’’ ہیرو پنتی‘‘ کے گانے ’’وہسل بجا‘‘اور ’’وار۲‘‘ کے گانے ’’گھنگھرو‘‘ پر رقص کیا۔
