بالی ووڈ کے کنگ شاہ رخ خان اور اہلیہ گوری خان نے اپنے مداحوں کو ایک خوشخبری سنا کربے حد خوش کردیا جو اپنے آپ میں بہت منفرد ہے

 بالی ووڈ کے کنگ شاہ رخ خان اور اہلیہ گوری خان نے اپنے مداحوں کو ایک خوشخبری سنا کربے حد خوش کردیا جو اپنے آپ میں بہت منفرد ہے۔دونوں نے انسٹا اکاؤنٹ پربتایا کہ اب مداح ان کے دہلی کے گھرمیں کچھ دن قیام کرسکتے ہیں جو گوری خان نے خود دوبارہ ڈیزائن کیا ہے۔ دونوں نے پرتعیش گھرکی تصاویر و ویڈیوزکواپنے اپنے انسٹا اکاؤنٹ پرشیئربھی کیا ہے۔اس کے متعلق کنگ خان نے کہا کہ دہلی سے جڑی بہت سی یادیں ہیں اوریہ شہر میرے دل کے بہت قریب ہے۔ اہلیہ گوری نے گھر کو دوبارہ سے ڈیزائن کیا ہے جو محبت سمیت بہت سارے لمحات کو اپنے اندر لئے ہوئے ہے۔ آپ کے پاس موقع ہے کہ آپ یہاں قیام کرسکتے ہیں۔کنگ خان کی اہلیہ گوری خان نے اس  کے متعلق کہا کہ ان کا دہلی کا گھربہت سی خوبصورت یادوں کا مظہر ہے اور جو ان کے دل سے بہت قریب ہے۔