سوشل میڈیا پر وائرل ہونے والی ایک تصویر کے متعلق کہا جارہا ہے کہ ’’پٹھان‘‘ (شاہ رخ خان) ’’وار۔۲‘‘ کے سیٹ پر ہیں اور فلم میں ان کا دھماکہ دار کیمیو ہوسکتا ہے۔

وائی آر ایف اسپائی یونیورس، کامیاب ۵؍ فلموں کے بعد ملک کی سب سے بڑی ایکشن فرنچائزی بن گئی ہے۔ اس فرنچائزی میں ملک کے سپر اسٹارز شاہ رخ خان، سلمان خان اور رتیک روشن شامل ہیں۔ اگرچہ سلمان خان کی ’’ٹائیگر۳‘‘ باکس آفس پر شاندار کارکردگی کا مظاہرہ نہیں کرسکی ہے لیکن اسپائی یونیورس کی آنے والی فلموں سے توقع ہے کہ وہ سپر ہٹ ثابت ہوں گی۔ اس فرنچائزی کی اگلی فلم ’’وار۔۲‘‘ ہے جس میں رتیک روشن اور جونیئر این ٹی آر مرکزی کردار ادا کررہے ہیں۔ سوشل میڈیا پر وائرل ہونے والی ایک تصویر میں ’’وار۔۲‘‘ کے سیٹ پر شاہ رخ خان ، پٹھان کے کردار میں نظر آرہے ہیں۔ تاہم، یہ واضح نہیں ہے کہ کیا ’’وار۔۲‘‘ میں شاہ رخ خان مہمان ادا کار کے طور پر نظر آئیں گے یا نہیں۔ اس تعلق سے فلم بنانے والوں کی جانب سے کوئی اطلاع نہیں دی گئی ہے۔

EXCLUSIVE :- A never seen BOMBASTIC cameo of SRK’s Pathaan will be there in #War2 ! #SRK, #HrithikRoshan and #JrNTR will be seen sharing the same screen space which will be the Biggest HIGHLIGHT of the film 🔥🔥🔥 pic.twitter.com/omxifAb8fy

— CineHub (@Its_CineHub) August 7, 2024

سینی ہب نامی ایک ایکس اکاؤنٹ نے تصویر جاری کرتے ہوئے لکھا کہ ’’وار۔۲‘ میں یقیناً ’’پٹھان‘‘ کا ایک دھماکہ دار کیمیو ہوگا۔‘‘ مختلف میڈیا رپورٹس کے مطابق آئندہ چند برسوں میں وائی آر ایف کے اسپائی یونیورس میں یہ فلمیں ریلیز ہوں گی: ’’وار۔۲‘‘ ، ’’الفا‘‘، ’’پٹھان۔۲‘‘ اور ’’ٹائیگر ورسیز پٹھان‘‘ ۔