لتا منگیشکر نے اس گیت کے بارے میں ایک ٹویٹ کیا ’’نمسکار! ہمارے باصلاحیت فنکاروں نے ایک ہوکر خود پر انحصار کرنے والے ہندوستان کے جذبے سے متاثر ہو کر اس گیت کو تیار کیا ہے، جو ہم پورے ہندستان کی عوام کو اور ہمارے محترم وزیر اعظم نریندر بھائی مودی جی کو پیش کرتے ہیں۔‘‘

عالمی وبا کورونا کے پھیلاؤ کو روکنے کیلئے ملک گیر لاک ڈاؤن کے درمیان ۲۱۱؍ فنکاروں نے ’خود پر انحصار کرنے والے ہندوستان‘ سے متاثر ایک گیت گایا ہے۔
  کورونا وائرس کی وبا کے درمیان لوگوں کے جوش و خروش کو بڑھانے کیلئے ملک بھر کے مقبول گلوکاروں نے ایک گیت تیار کیا ہے جو ملک کے مختلف حالات میں لوگوں کی حوصلہ افزائی کیلئے بنایا گیا ہے۔ اس گیت کا پورا نام ’ون نیشن ون وائس۔ جے تو جے تو بھارتم ‘ ہے۔
 اس گیت کیلئے ملک کے زائد از ۲۰۰؍ مشہور گلوکاروں نے اپنی آواز دی ہے۔ ان میں آشا بھوسلے،  ایس پی بالاسبرامنیم، شنکر مہادیون، سونو نگم اور کیلاش کھیر جیسے نام شامل ہیں۔ یہ گیت پرسون جوشی نے لکھا ہے اور اسے ۱۲؍ زبانوں میں تیار کیا گیا ہے۔
 سروں کی ملکہ لتا منگیشکر نے اس گیت کے بارے میں ایک ٹویٹ کیا ’’نمسکار! ہمارے بہت ہی باصلاحیت ۲۱۱؍ فنکاروں نے ایک ہوکر خود پر انحصار کرنے والے ہندوستان کے جذبے سے متاثر ہو کر اس گیت کو تیار کیا ہے، جو ہم پورے ہندستان کی عوام کو اور ہمارے محترم وزیر اعظم نریندر بھائی مودی جی کو پیش کرتے ہیں۔‘‘ انہوں نے اس گیت کا لنک بھی شیئر کیا ہے ۔