موسیقی کی دنیا سے تعلق رکھنے والوں کے بیچ رسہ کشی پیش کرنے والی ویب سیریز میں عمدہ موسیقی اور گیت پیش کئے گئے ہیں جو آپ کو مسحور کرتے ہیں۔

بندش بینڈٹس (Bandish Bandits)
 اسٹریمنگ ایپ :امیزون پرائم ویڈیوز(۸؍ایپی سوڈ)
اسٹار کاسٹ:رتوک بھومک، شریہ چودھری، شیبا چڈھا، راجیش تیلنگ، اتل کلکرنی، دیویہ دتا، کنال رائے کپور، راہل کمار
 ڈائریکٹر:آنند تیواری 
رائٹر:آنند تیواری، امرت پال سنگھ، لارا چاندنی، سینتا منا، آتمکا ددوانی، حسین حیدری، کرن سنگھ تیاگی
 پروڈیوسر:ڈمپل متھیاس، مرشد اختر، ونیت بترا
موسیقی:انا رحمان، شنکر مہادیون
ایڈیٹنگ:اجے شرما
سنیماٹوگرافی:سری رام گنپتی
آرٹ ڈائریکٹر:دیپک مستری
کاسٹیوم:ہیزل پال
ریٹنگ: ***
سیریز کی کہانی
 بندش بینڈٹس سیزن۲؍پنڈت رادھے موہن (نصیر الدین شاہ)کے انتقال کے ساتھ شروع ہوتا ہے۔ ان پر ایک کتاب شائع ہوئی ہےجس میں ان کے تکبر اور بدتمیزی کا طویل عرصے سےچھپا ہوا سچ سب کے سامنے آ گیا ہے۔ کہانی ایک ڈرامائی موڑ لیتی ہے کیونکہ رادھے (رتوک بھومک) کی زندگی اس کے بعد بدلنا شروع ہو جاتی ہے جو راٹھور خاندان کی موسیقی کو آگے لےجانے کی ذمہ داری لیتا ہے۔ دوسری طرف تمنا (شریا چودھری) نےکسولی کے میوزک اسکول میں داخلہ لے لیا ہے۔ وہاں اس کی ملاقات دیویا دتہ سے ہوتی ہے، جو ایک سخت لیکن بہت اچھی ٹیچر ہے۔ وقت کا دھاگہ دو مختلف راستوں پر چلنے والے رادھے اور تمنا کو ایک بار پھر آمنے سامنے لاتا ہے۔ دونوں ایک ہائی پروفائل میوزک ریئلٹی شو میں ایک دوسرے کےمدمقابل ہیں۔ لیکن اس کے بعد کہانی کہاں تک پہنچتی ہے یہ جاننے کے لیے آپ کو یہ سیریز دیکھنا پڑے گی۔ 
 سیزن۲؍ اپنی سب سے اہم چیزیعنی موسیقی کو اپنے آغاز سے ہی قریب رکھتا ہے۔ ایک بار پھربھرپورموسیقی کوسب سے اہم مقام حاصل ہے۔ جیسے جیسے کہانی آگے بڑھتی ہے یہ سحر اور بھی بڑھتا جاتا ہے۔ موسیقی کے اسلوب جیسے راک، جاز اور پاپ کا آمیزہ آپ کو باندھے رکتھا ہے۔ 
ہدایت کاری
 اس بار کہانی کو آگے لے جانے کے ساتھ ساتھ سیریز میں کئی نئےکردار بھی شامل کیے گئے ہیں۔ جب تمنا اپنی حقیقی آواز کی تلاش میں ایک میوزک اسکول پہنچتی ہے، رادھے اپنے کلاسیکی موسیقی کے ورثےکو مقبول بنانے کے لیے ممبئی چلاجاتا ہے۔ یہ تبدیلی سیریز کے پلاٹ کو مضبوط کرتی ہے۔ اس سیریز میں انفرادیت سے لے کر بااختیاربنانے، روایت اور جدیدیت کے درمیان توازن تک کے بہت سےموضوعات ہیں۔ ایک فنکارکےطورپر تمنا کے کریئرکی بلندی خاصی اچھی لگ رہی ہے کیونکہ وہ خود کو تلاش کرتی رہتی ہیں۔ 
 مصنف اور ہدایت کار آنندتیواری نے شریک مصنفین آتمیکا ڈیڈوانیا اور کرن سنگھ تیاگی کے ساتھ مل کر’بندش بینڈٹس‘کو ایک بڑےاور وسیع کینوس پر لے جانے کے لیے کام کیا ہے۔ یہ نیا سیزن نئےکرداروں کی آڑ میں نئے زمانے کے جوڑ توڑ، نئے رشتوں، پرانےاور نئے نظریات کے تصادم کی گہرائی میں اترتا ہے۔ تاہم، جہاں جذباتی گہرائی اور موسیقی کی صلاحیت اس سیریز کو بلند کرتی ہے، وہیں اسکرین پلےبھی بعض اوقات کمزور نظر آتا ہے۔ یہ بہت سے ذیلی پلاٹوں اور کم پیشین گوئی کی وجہ سے بھی ہے۔ 
 آگے بڑھنے کی جنگ میں میوزک بینڈ کے اندر چیلنجز اور مقابلہ، عدم تحفظ سےنبرد آزما موسیقار کہانی کو تھوڑا تناؤ محسوس کرتے ہیں۔ تاہم، ان رکاوٹوں کے باوجود، اسٹیج پر موسیقی کی مختلف پرفارمنس آپ کی توجہ کو زیادہ بھٹکنے نہیں دیتی۔ 
موسیقی
 بندش بینڈٹس سیزن۲؍کی سب سے بڑی توجہ موسیقی ہے اور یہ اس کے مطابق ہے۔ انا رحمان اور دگ وجئے سنگھ پریار جیسے موسیقاروں نےکہانی کے جوہر کو برقرار رکھتےہوئے اسے نئی توانائی سےبھرنے کا کام کیا ہے۔ عمدہ گیتوں میں، نکیتا گاندھی اور انا رحمان کا ’گھر آ ماہی‘، پرتیک گوپی ناتھ کا ’ہولڈنگ آن‘، سوروپ خان اور پوروی کوتیش ک’ہچکی۲ء۰؍ اور شنکر مہادیون کا’سر ہی پرماتما‘نےسماں باندھنےکاکام کیاہے۔ اچھی بات یہ ہے کہ یہ تمام گانے کہانی میں بہت آسانی سے فٹ ہو جاتے ہیں۔ 
 سیزن۲؍دیکھتے ہوئے آپ کی موسیقی کی سمجھ بھی بڑھ جاتی ہے۔ اس میں ڈیٹا سائنس کے نئے دور کے نقطہ نظر سے استعمال کے حوالےسےدلائل، دھنوں کے پیچھے ریاضی اور موسیقی کے بارے میں دیرینہ بحث دلچسپ ہے۔ شیبا چڈھا کے کردار موہنی نے اس ایپی سوڈ میں ’سنگیت سنگت سے ہی بنتا ہے‘کے ذریعے موسیقی کے ساتھ کے احساس کو خوبصورتی سے ظاہر کیا ہے۔ 
نتیجہ
 موسیقی کے دلدادہ افراد اس ویب سیریز کو دیکھ سکتے ہیں۔