یہاں چاند کی شکل کے تین ساحل سمندر ہیں جو نہایت ہی پرسکون اور دلفریب محسوس ہوتے ہیں، اس کے علاوہ جھیلیں اور ڈیم بھی ہیں۔

کیرالا میں واقع کوولم سیر و تفریح کیلئےپرکشش مقامات سے بھرا ہوا ہے۔ یہ کیرالہ کےترواننت پورم میں ایک بین الاقوامی سطح پر سراہاجانے والا علاقہ ہے، جس میں دلکش ساحل اور پُرسکون تعطیلات کے لیے ایک عمدہ مقام ہے۔ کوولم میں واقع شاندارنظارے اور قابل تعریف فن تعمیر آپ کومتاثرکرےگا۔ کوولم میں قدرت کی مہربانی کو دیکھنے کے لیے، اسےاپنے سیر کی فہرست میں شامل کریں۔ 
لائٹ ہاؤس بیچ
 ہلال کی شکل کے۳؍ساحلوں میں سے ایک، لائٹ ہاؤس بیچ اپنے دوستوں اور خاندان کے ساتھ معیاری وقت گزارنے کے لیے سب سےمشہور جگہ ہے۔ اس ساحل کا نام بحیرہ عرب کے جنوبی سرےپر ۳۰؍ تا ۳۵؍میٹر اونچے لائٹ ہاؤس کی وجہ سے رکھا گیا ہے جو سرخ اور سفید دھاری دار پتھروں سے بنا ہے۔ ارد گرد کے خوبصورت نظارے پیش کرنے والا یہ لائٹ ہائوس کروم کال پہاڑی کی چوٹی پر ایک تاریخی علامت کے طورپربھی مشہورہے۔ آرام اور تفریح کے لیے ایک مثالی جگہ، لائٹ ہاؤس بیچ میں ایک مشاہداتی پلیٹ فارم بھی ہے جہاں سے آپ پوور اور بیم پلی مسجد دیکھ سکتے ہیں۔ کوولم کا سب سے مشہور مقام ہونے کی وجہ سے، اس میں پانی کےکھیلوں کی مختلف سرگرمیاں ہیں، ساحل سمندر کے دلکش مناظر فوٹوگرافروں کو اپنی طرف متوجہ کرتے ہیں، فیروزی پانی، پانی کی لہریں، کھجور کےدرخت، چمکتی ہوئی ریت، اور ایک شاندار لائٹ ہاؤس۔ 
ہوا بیچ
 شاندارناریل اور کھجور کے باغات سےگھرا ہوا، ہوا بیچ کوولم میں دیکھنے کے لیے سب سے اہم سیاحتی مقامات میں سے ایک ہے۔ چونکہ یہ ہلال کی شکل کے تین ساحلوں کا بھی حصہ ہے، لائٹ ہاؤس بیچ کے بالکل سامنے، ہوا بیچ صبح سے شام تک خوبصورت نظر آتی ہے۔ چمکتی ریت، کھجور کے سرسبز درخت، اور نیلا پانی نیلے آسمان سے میل کھاتا ہے، یہ سب ایک تصویر کامل پس منظر بن جاتا ہے! کیوں کہ پانی کا بہاؤ تیزہے اس لئےیہاں تیراکی سے گریز کرنے کا مشورہ دیا جاتا ہے۔ 
ویلایانی جھیل
 کہانی سنانے کا ایک خوبصورت مقام، ویلایانی جھیل ایک صاف شفاف میٹھے پانی کی جھیل ہےجو ترواننت پورم شہر سے صرف۷؍تا۹؍کلومیٹر دور واقع ہے۔ وسیع لیکن گھنے درختوں اور حیوانات کے درمیان، اس جھیل میں سیاحوں کو اپنی طرف متوجہ کرنے کے لیے جادوئی دلکشی ہے کیونکہ یہ کوولم کے مشہور سیاحتی مقامات کی فہرست میں اوپرہے۔ ہر سال، اونم کےموقع پر، یہاں سالانہ کشتیوں کی دوڑ کا انعقاد کیا جاتاہےجو ایک کارنیول کی طرح محسوس ہوتی ہے۔ 
کوولم آرٹ گیلری
 یہ آرٹ سے محبت کرنے والوں کے لیےحقیقی معنوں میں ایک سحر انگیزمقام ہے۔ کوولم آرٹ گیلری یا سری چترا آرٹ گیلری یقینی طور پر دیکھنے کے لیے ایک لازمی جگہ ہے۔ جس لمحے آپ اس کے احاطےمیں داخل ہوں گے آپ کو مشہور مصوروں کی پینٹنگز اور فن پارے نظر آنے لگیں گے۔ مغل دور سے لے کر راجپوت دور تک کے کچھ حیرت انگیز فن پاروں کا مشاہدہ کر سکتےہیں اور یہاں پر آپ کو چین، تبت اور جاپان سےلائے گئے نوادرات بھی دیکھنے کا موقع ملے گا۔ گیلری میں قابل ذکر اور قیمتی آرٹ کی نمائش کی جاتی ہے جو آپ کو پورےسفر میں حیران کر دے گی۔ اگر آپ کوولم کے سفر کا منصوبہ بنا رہےہیں، تو سری چترا آرٹ گیلری ضرور جائیں۔ 
نیئر ڈیم
 مغربی گھاٹوں کے دامن میں دریائےنیئرمیں واقع، نیئر ڈیم کوولم میں پکنک کا ایک مثالی مقام ہے۔ ڈیم کے محل وقوع کے سبب یہ پیڑ پودوں سےگھری ایک دلکش جھیل بن گئی ہےجو جنگلی جانوروں کا بھی گھرہے۔ چونکہ یہ فطرت کے مداحوں اور پکنک سے محبت کرنے والوں کے لیے ایک بہترین جگہ ہے۔ 
 اس کے علاوہ، یہاں واقع وائلڈ لائف سنکچوری دیکھنا نہ بھولیں جوآپ کو قدرتی نظاروں سے لیس جنگل دیکھنے تجربہ فراہم کرتا ہے۔ ڈیم کےقریب سکون کا احساس ہوتا ہےیہی سبب ہے کہ اس جگہ بڑی تعداد میں لوگ جانا پسند کرتے ہیں۔ یہاں آپ ایک خوشگوار اور تفریحی شام گزار سکتے ہیں۔