جھیلوں کا شہر کہلانے والے اس مقام پرآپ دور سے ہمالیہ پہاڑ کی برف پوش چوٹیاں دیکھ سکتے ہیں،یہاں کئی گارڈن بھی ہیں۔

نینی تال، ریاست اتراکھنڈ کے کماؤن علاقے کا اہم سیاحتی مقام، جھیلوں کا شہر کہلاتا ہے۔ ایک ایسی جگہ جو پہاڑوں پر واقع ہے اور چاروں طرف سے جھیلوں سے گھریہوئی ہے۔ برف پوش پہاڑ جو آپ کو قدرتی حسن میں شرابور کردی گے۔ نینی تال کی سیر آپ کو ایک ایسا ماحول فراہم کرے گی جو آپ پر سحر طاری کر دے گا۔ ایسا خوبصورت نظارہ آپ نے شاید ہی کہیں دیکھا ہو گا۔ 
نینی جھیل
 ۷؍مختلف پہاڑی چوٹیوں سے گھری یہ جھیل کماون کے علاقے کی سب سےمشہور جھیل ہے۔ اپنے خوبصورت نظاروں کیلئےمشہور، یہ جگہ ایک مشہور پکنک اسپاٹ ہے، جہاں آپ بیٹھ کر غروب ہوتے سورج کی روشنی دیکھ سکیں گے۔ شام کے وقت آپ ایسے خوبصورت ماحول کی سیربھی کر سکتے ہیں جہاں آپ بطخوں کو جھیل میں گھومتے ہوئے دیکھ سکیں گے۔ 
ایکو کیو گارڈن
 اپنے معلق باغات اور میوزیکل فوارے کے لیے مشہور یہ غار ۶؍چھوٹےغاروں کا مجموعہ ہے جو جانوروں کی شکل میں بنائے گئے ہیں۔ بنیادی طور پر اسے اس لیے بنایا گیا ہے تاکہ سیاحوں کو ہمالیائی جنگلی حیات کے قدرتی مسکن کی ایک جھلک سے متعارف کرایا جا سکے۔ آپ کو اندر جانے میں کچھ دقت کا سامنا کرنا پڑ سکتا ہے لیکن پیٹرول سےجلتے لیمپ آپ کو اپنی طرف متوجہ کریں گے۔ یہاں کےمشہور غاریں ٹائیگر، پینتھر، ایپس، بیٹ اور فلائنگ فاکس ہیں۔ 
اسنو ویو پوائنٹ
 دودھیا برف سے ڈھکا ہمالیہ آپ کی آنکھوں کےسامنے ایک دلکش نظارہ پیش کرےگا۔ نینی تال کے اس سیاحتی مقام کو دیکھ کر آپ یقیناًمطمئن نہیں ہوں گے، اس لیےآپ اس موقع پر نینی تال کی تصویرلینا نہیں بھول سکتے۔ سطح سمندرسے۲۲۷۰؍میٹربلند یہ مقام سیاحوں میں بہت مقبول ہے۔ ہاتھ اٹھاتےہی آپ کو ایسا محسوس ہوگا جیسے کوئی بادل آپ کی مٹھی میں قید ہو گیا ہو۔ آپ کے سامنے اونچے اونچے برفیلےپہاڑ ہوں گے اور اوپر بادلوں کی سفید چادر ہو گی، یہ سوچ کر ہی دماغ چکرا جاتا ہے۔ 
نینا چوٹی
 ۲۶۱۵؍میٹر کی اونچائی کے ساتھ یہ نینی تال کی سب سے اونچی چوٹی ہے جو سیاحوں کی توجہ کامرکز بن جاتی ہے۔ پہاڑ جو سال بھر برف سےڈھکے رہتے ہیں، سرسبز و شاداب درختوں سےگھرے رہتےہیں۔ جو لوگ تصویر کھینچنے کا شوق رکھتے ہیں وہ یہاں آ کر اپنی خواہش پوری کر سکتےہیں۔ یہ جگہ پیدل سفر کرنے والوں اور ٹریکروں میں بہت مقبول ہے۔ آپ یہاں اپنے دوستوں کے ساتھ یا اپنے ساتھی کے ساتھ اچھی چھٹیاں گزار سکتے ہیں۔ لوگ اکثر یہاں طلوع آفتاب اور غروب آفتاب کے خوبصورت نظارے دیکھنے آتے ہیں۔ 
جم کاربیٹ نیشنل پارک
 آپ کوہریالی، پرامن ماحول، درختوں اور جانوروں اور پرندوں کے درمیان سے گزرتی ہوئی تازہ ہوا کا سنگم ایک ہی جگہ اور ایک ہی وقت میں ملےگا۔ اس میں حیرانی کی کوئی بات نہیں کیونکہ یہاں ہم جم کاربیٹ نیشنل پارک کی بات کر رہے ہیں۔ اگر آپ اکتوبر سےفروری کے دوران یہاں آتےہیں تو آپ کو یہاں کچھ ان دیکھے پرندے دیکھنے کو ملیں گے جنہیں آپ کہیں اور نہیں دیکھ پائیں گے۔ 
ہمالیہ ویو پوائنٹ
 نینی تال سےصرف۵؍کلومیٹرکے فاصلے پر واقع، ہمالیہ ویو پوائنٹ کاشاندار نظارہ ایسا ہے جسے آپ بھول نہیں سکتے۔ یہ وہ جگہ ہےجہاں سے آپ ہمالیہ کے وسیع سلسلہ کو دیکھ سکتے ہیں۔ یہ نینی تال کے قریب دیکھنے کے لیے بہترین جگہوں میں سے ایک ہے۔ 
جامع مسجد
 نینی تال کا ایک اورمشہور مقام جامع مسجد ہے جو ایک پرکشش علاقےمیں واقع ہے۔ یہ نینی جھیل کے قریب واقع سب سے زیادہ قابل ذکر عمارتوں میں سےایک ہے۔ یہاں پرامن ماحول میں نماز باقاعدگی سے ادا کی جاتی ہے۔ یہ۱۸۸۲ءمیں برطانوی دور میں اپنے مسلمان فوجیوں کے لیے تعمیر کی گئی تھی۔ عظیم الشان جامع مسجد کی عمارت خوبصورتی کا اظہار کرتی ہے اور فن تعمیر کا ایک شاندار نمونہ ہے۔ اس شاندارمسجد کو خالص سفید پینٹ کیا گیا ہے اور اسے سیاہ رنگ کی پٹیوں سے سجایا گیا ہے۔