یہاں مائبونگ اور جتنگا جیسے دلکش اور عمدہ ہل اسٹیشن ہیں، گاندھی باغ نامی پارک کا حسن اورڈولو نامی جھیل کی خوبصورتی دیکھنے سے تعلق رکھتی ہے۔

سلچر آسام کا دوسرا سب سے بڑا شہر ہے اور شمال مشرق میں سب سےزیادہ مستحکم علاقوں میں سے ایک ہے۔ اس شہر کو’امن کا جزیرہ‘بھی کہا جاتا ہے۔ یہ شہرسورماندی (براک)پر واقع ہے، اور اپنی قدرتی خوبصورتی کےلیے جانا جاتا ہے۔ سلچر مشرق میں منی پور، مغرب میں بنگلہ دیش، جنوب میں میزورم اور شمال میں بریل پہاڑیوں سےگھرا ہوا ہے۔ یہ سب سے ترقی یافتہ علاقوں میں سے ایک ہےجس کے اپنے ہوائی اڈے اور اعلیٰ تعلیم کے ادارے ہیں۔ اپنے دلکش محل وقوع کی وجہ سے، سلچر کو منی پور اور میزورم کے پڑوسی علاقوں کے گیٹ وے کے طورپر بھی استعمال کیا جاتا ہے۔ سلچر میں دیکھنے کے لیے بہت سے مقامات ہیں جو سیاحوں کو اپنی طرف متوجہ کرتے ہیں۔ 
مائبونگ
 سلچر سےتقریباً ۱۳۷؍کلومیٹر کے فاصلے پر واقع، مائبونگ ایک مشہور ہل اسٹیشن ہے جو دریائے ماہورکے کنارے واقع ہے۔ جب شہر پر کچہری ریاست کی حکومت تھی۔ یہاں کا محل اپنے قدرتی مناظر، شاندار فن تعمیر اور نقش و نگارکے لیے جانا جاتا ہے۔ 
 اس جگہ کے بڑے پرکشش مقامات میں پرانےشہر کچہری کے کھنڈرات شامل ہیں جو کبھی ایک خوشحال سلطنت ہوا کرتا تھا۔ اس جگہ اور اس کے آس پاس بہت سے قدیم مندر اور آبشارہیں۔ 
گاندھی باغ پارک
 سلچر شہر کے مرکز میں واقع، شاندار پارک کا نام مہاتما گاندھی کے نام پر رکھا گیا ہے۔ یہ پارک سالانہ گاندھی میلے کی میزبانی بھی کرتاہے جس میں سلچر کے لوگوں کی طرف سے بنائے گئے خوبصورت دستکاری اور ہینڈ لومز کی نمائش ہوتی ہے۔ یہ پارک ایک احتجاجی مظاہرےمیں مارے گئے۱۱؍ شہداء کی یاد میں بنایا گیا تھا۔ یہ پارک رنگ برنگے پھولوں اور سبزگھاس سے بھرا ہوا ہے، جو اسےپکنک کے لیے ایک بہترین جگہ بناتا ہے۔ یہی وجہ ہے کہ یہ آسام کے مشہور سیاحتی مقامات میں سے ایک ہے۔ 
جتنگا
 جتنگا ایک خوبصورت ہل اسٹیشن ہے جو سلچر سے تقریباً ۸۰؍ کلومیٹرکےفاصلے پر واقع ہے۔ یہ شہر بلند و بالا پہاڑیوں اور سرسبز و شاداب ہریالی کے درمیان واقع ہے اور ہفتے کے آخر میں چھٹی کے لیے ایک بہترین مقام ہے۔ جتنگا گاؤں کو یہاں پر پرندوں کے غیر معمولی طور پر جمع ہونے کی وجہ سے شہرت ملی۔ 
  اس گاؤں کو ’پرندوں کے لیے موت کی وادی‘ کے نام سے بھی جانا جاتا ہے۔ تاہم تحقیق سےیہ بات سامنے آئی ہے کہ پرندے درحقیقت خودکشی نہیں کرتےبلکہ انہیں مقامی لوگ بانس کی لاٹھیوں سے مار دیتے ہیں۔ بہر حال، جتنگا آسام کے سب سے مشہور پہاڑی مقامات میں سے ایک ہے اور بڑی تعداد میں سیاحوں کو اپنی طرف متوجہ کرتا ہے۔ 
ڈولو جھیل
 ڈولو جھیل پرامن ماحول سے بھری جھیل ہے۔ ڈولو جھیل، جو شہر سے باہر واقع ہے، غروب آفتاب اور طلوع آفتاب کو دیکھنے کے لیے بہترین مقامات میں سے ایک ہے۔ اس جھیل کی دلکش خوبصورتی یہاں آنے والے سیاحوں کو اپنی طرف متوجہ کرتی ہے۔ یہ جھیل فطرت سے محبت کرنے والوں میں بہت مشہورہے۔ جھیل عوام کے لیے ہمیشہ کھلی رہتی ہے اور یہاں کوئی داخلہ فیس بھی نہیں لی جاتی۔ یہاں سیاحوں کی بڑی تعداد سیر کے لیے آتی ہے۔ 
خاص پور
 اگر آپ آسام کی شاندار تاریخ اور ثقافتی ورثے کا مشاہدہ کرنا چاہتےہیں تو آپ کو خاص پورجانا ہوگا۔ سلچر سےتقریباً۲۰؍کلومیٹر کےفاصلےپر واقع خاص پور کچہری قرون وسطیٰ میں بادشاہوں کا دارالحکومت تھا۔ اس جگہ کی سب سے بڑی کشش کچہری قلعہ ہے۔ اگرچہ یہ اب کھنڈرات میں تبدیل ہوچکا ہے، یہ کبھی کچہری سلطنت کا شاہی محل ہوا کرتا تھا۔ دوسرے مقامات جو سیاحوں کو اس قصبے کی طرف راغب کرتے ہیں وہ ہیں سن گیٹ اور شیر گیٹ۔ 
منی ہارن ٹنل
 سلچر میں بھون پہاڑی کے قریب واقع یہ قدیم سرنگ آسام کے اہم سیاحتی مقامات میں سے ایک ہے۔ مزید برآں، دریائے ٹریبینی منی ہارن ٹنل کے نیچے سے بہتا ہے۔