یہ قلعہ تو کھنڈر میں تبدیل ہوچکا ہے لیکن یہاں تک جانے کا راستہ ٹریکنگ کیلئے عمدہ قرار دیا جاتا ہے، یہاں کے دلکش نظارے ہر کسی کو پسند آتے ہیں۔

ترنگل واڑی ایک قدیم قلعہ ہے جو ناسک ضلع کےاگت پوری علاقےمیں واقع ہے۔ خیال کیا جاتا ہےکہ یہ قلعہ ۱۰؍ویں صدی میں تعمیرکیاگیاتھا۔ تاہم اس کی تعمیر کی صحیح تاریخ دستیاب نہیں ہے۔ مغلوں سےلے کر مراٹھوں تک نے اس علاقے پر حکومت کی ہے۔ اس وقت یہ قلعہ یہاں صرف کھنڈرات میں موجود ہے۔ چونکہ یہ ایک پہاڑی پرواقع ہے اس لیے یہاں پر ٹریکرز آتے رہتے ہیں۔ قلعہ کے اردگرد کا علاقہ ہریالی سے بھرا ہوا ہے، اس لیے سیاح یہاں آنا چاہتے ہیں۔ آپ یہاں ایک تازگی اور دلچسپ سفر کا منصوبہ بنا سکتے ہیں۔ اگر آپ ایڈونچر کا شوق رکھتے ہیں، تو آپ یہاں کیمپنگ اور ٹریکنگ سے بھرپور لطف اندوز ہوسکتے ہیں۔ 
قلعہ کی اہمیت
ترنگل واڑی قلعہ ناسک ضلع کے اگت پوری تعلقہ میں ترنگل واڑی گاؤں سے تقریباً۳؍ کلومیٹر دور واقع ہے۔ یہ قلعہ اس علاقے میں موجود بہت سے قلعوں میں سے ایک ہے، جو تھل گھاٹ سے گزرنےوالے قدیم ’کونکن-ناسک تجارتی راستے‘ کی حفاظت کے لیے بنائے گئے تھے۔ 
پہنچنے کا صحیح وقت
اس علاقے میں گرمیوں میں بہت زیادہ گرمی ہوتی ہے، اس لیےاس عرصے میں یہ علاقہ انتہائی گرم ہوتا ہے۔ اس لیےاکتوبر سے فروری کے مہینے یہاں آنےکابہترین وقت سمجھے جاتے ہیں۔ دریں اثنا، یہاں موسم کافی سازگار اور خوشگوار رہتا ہے۔ اگر آپ یہاں مانسون کے دوران جانے کی منصوبہ بندی کرنا چاہتے ہیں تو یہاں اپنی حفاظت کا زیادہ خیال رکھیں، کیونکہ یہاں کے راستوں پر بارش کی وجہ سے کافی پھسلن ہو جاتی ہے۔ 
ترنگل واڑی کیوں آئے؟
ترنگل واڑی کا سفر آپ کے لیے کئی مناسبت سے خاص ہو سکتا ہے۔ یہ جگہ فطرت سے محبت کرنے والوں سے لے کر ایڈونچر کے شوقین اور تاریخی مقامات میں دلچسپی رکھنے والے ہر ایک کے لیے ایک مثالی جگہ ہے۔ یہ قلعہ ایک پہاڑی پرواقع ہے جہاں آپ دور دور تک سرسبز و شاداب نظارے دیکھ سکیں گے۔ اگر آپ قدرتی نظاروں کےقریب کچھ وقت گزارنا چاہتے ہیں تو آپ یہاں آ سکتے ہیں۔ تاریخ سے دلچسپی رکھنے والے قلعہ کا دورہ کر سکتے ہیں۔ مہاراشٹر کی تاریخ کے کئی پہلو اس قلعے سےجڑے ہوئے ہیں۔ یہ جگہ ایڈونچر سے محبت کرنے والوں کے لیے بہت خاص سمجھی جاتی ہے، یہاں وہ ٹریکنگ، ہائیکنگ اور کیمپنگ کے سنسنی خیز تجربے سے لطف اندوز ہو سکتےہیں۔ اگر آپ کو فوٹو گرافی کا شوق ہے تو آپ یہاں کے حیرت انگیز نظاروں کو اپنے کیمرے میں قید کر سکتے ہیں۔  
ٹریکنگ کیسی ہے
ترنگل واڑی قلعہ کی پگڈنڈی آسان اور سادہ ہے اس لیے یہاں ٹریکنگ کرناسب کے لیے بہترین ہے۔ قلعہ کی طرف جانے والی سیڑھیاں تھوڑی سی عمودی ہیں۔ پگڈنڈی سے قلعہ ہر وقت نظر آتا ہے اس لیے نشانیوں کی ضرورت نہیں ہے۔ پگڈنڈی پر ایک چھوٹا تالاب بھی ہے۔ یہ قلعہ شاندار سہیادری پہاڑی سلسلے، اگت پوری شہر، اور کلسو بائی چوٹی کے شاندار نظارے پیش کرتا ہے۔ 
کیسے پہنچیں ؟
ترنگل واڑی قلعہ مہاراشٹر کے ناسک ضلع میں واقع ہے، جہاں آپ نقل و حمل کے تینوں طریقوں کی مدد سے پہنچ سکتے ہیں، یہاں کا قریب ترین ہوائی اڈہ ناسک میں ہے، جویہاں سے ۷۰؍کلومیٹر کے فاصلے پر واقع ہے۔ آپ کو ہوائی اڈے سے ترنگل واڑی گاؤں تک پرائیویٹ ٹیکسی آسانی سےمل جائے گی۔ 
ریل روٹ کے لیے آپ ناسک ریلوے اسٹیشن کی مددلے سکتے ہیں۔ اگر آپ چاہیں تو سڑک کے ذریعے بھی یہاں پہنچ سکتے ہیں، ناسک کا علاقہ سڑکوں سےریاست کے چھوٹے اور بڑے شہروں سے اچھی طرح سے جڑا ہوا ہے۔