زیادہ مشہور نہ ہونے سے یہاں کم لوگ پہنچتے ہیں اس لئے آپ یہاں اپنے اہل خانہ کے ساتھ آرام کرنے یا تیراکی کرنے جاسکتے ہیں۔
EPAPER
Updated: May 30, 2024, 12:20 PM IST | Mohammed Habib | Mumbai
زیادہ مشہور نہ ہونے سے یہاں کم لوگ پہنچتے ہیں اس لئے آپ یہاں اپنے اہل خانہ کے ساتھ آرام کرنے یا تیراکی کرنے جاسکتے ہیں۔
ویلنیشور ساحل بہت ہی قدرتی خوبصورتی کا حامل ہے اور قدرتی نظاروں کےسبب بہت فوٹوجینک ہے۔ جب ساحلوں کی بات آتی ہےتو ہم محسوس کرتے ہیں کہ وہاں کچھ خاص ہوتا ہے کیوں کہ اکثر لوگ صرف ساحل سمندر پر جانا پسند کرتے ہیں کیونکہ یہ پرسکون اورآرام دہ ہوتے ہیں اور دماغ اور جسم کو تروتازہ کرتے ہیں۔
اس لیے آپ ہفتےکے آخر میں خود کو تروتازہ کرنے کے بارے میں سوچ رہے ہوں گے، اس لیے یہاں ویلنیشور بیچ پر دیکھنے کے قابل مقامات کے بارے میں معلومات پیش کی جارہی ہے۔ سال بھر میں بہت زیادہ سیاح اس ساحل پر نہیں آتے۔
مہاراشٹرکےرتناگیری ضلع میں واقع، ویلنیشور گوہاگر شہر کے جنوب میں ایک گاؤں ہے۔ یہاں چاندکی شکل کا ایک خوبصورت ساحل ہےجو صاف، شفاف اور تیراکی کے لیے مثالی ہے۔ اگر آپ پانی کے ایک مثالی مقام کی تلاش میں ہیں جہاں آپ تیراکی کرتے ہوئےفطرت کی خوبصورتی کا مزہ لےسکتےہیں، توویلنیشور ساحل آپ کے لیے بہترین جگہ ہے۔ ویلنیشور ایک ناقابل یقین جگہ ہےجو دریائے شاستری کے شمال میں واقع ہے۔ ناریل کے تازہ سبز درخت اور نسبتاً ہموار ساحل یہاں بیچ کو بہت دلکش بنا دیتے ہیں۔ ویلنیشور آپ کے اہل خانہ کے ساتھ ہفتے کے آخر میں چھٹی منانےیا آرام کرنے کے لیے بہترین جگہ ہے۔
بہت کم لوگ یہاں کے بارے میں جانتے ہیں
یہ ساحل ممبئی سے تقریباً۳۰۰؍کلومیٹر اور پونے سےتقریباً ۲۵۰؍کلومیٹرکے فاصلے پر واقع ہے، یہ ہندوستان کے ساحلوں میں سب سےکم ہجوم والے ساحلوں میں سے ایک ہے۔ تو اس جگہ پر کسی کو حقیقی ذہنی سکون مل سکتا ہے۔ ساحل سمندر کوکن پٹی پر پھیلا ہوا ہے اور یہ یقینی طور پر کسی کی بھی توجہ اپنی جانب مبذول کرواسکتاہے۔
یہ ساحل زیادہ ترغیر آلودہ ہےاس لئے آپ یہاں آکرتیرنے کا لطف بھی اٹھا سکتےہیں اور سفید ریت پرلیٹ کر آرام کر سکتے ہیں۔ یہ ساحل بہت سارے ناریل کے درختوں سے گھرہوا ہے اور اگر آپ کو ناریل کا نرم پانی اور اندرکی ملائی پینے کا موقع ملے تو آپ کو اس سے محروم نہیں ہونا چاہیے۔ ویلنیشور ایک بہت صاف ستھرا ساحل ہے اور یہ ویلنیشور نامی گاؤں کے قریب واقع ہے اس لیے اس کا نام ویلنیشور بیچ ہے۔ یہ ایک ایسا ساحل ہے جس میں چٹانیں نہیں ہیں لہٰذا کوئی بھی بغیرکسی خوف کے تیراکی کے لیے جا سکتا ہے۔
ویلنیشور جانے کا بہترین وقت
چونکہ یہ ایک ساحلی گاؤں ہے، اس لیے ویلنیشور کی آب و ہوا معتدل ہے۔ یہاں سال بھر نمی رہتی ہے۔ ویلنیشور جانے کا بہترین وقت سردیوں کے مہینوں میں نومبر سے فروری تک ہے۔ گرمیاں بہت گرم ہو سکتی ہیں۔ دوسری طرف بارش دلکش اور خوشگوار ہوتی ہے۔
ویلنیشور میں کرنے کی سرگرمیاں
ویلنیشور ایک چھوٹا سا گاؤں ہے اور یہاں آرام کرنے، سمندر میں تیراکی کرنے، ڈولفن دیکھنے اورمزیدار کونکنی کھانوں کا مزہ لینے کے علاوہ کوئی بہت زیادہ سرگرمیاں نہیں ہیں۔ یہ علاقہ زیادہ تر ماہی گیر برادری کی آبادی پر مشتمل ہے۔ مقامی دیہاتی دوستانہ اور بہت مہمان نواز ہیں۔ مراٹھی سب سے زیادہ بولی جانے والی زبان ہے۔ ہندی اورانگریزی بھی اس جگہ کے مقامی لوگ سمجھتےاور بولتے ہیں۔ اگرچہ قریب میں زیادہ بازار نہیں ہیں، لیکن زیادہ مقامی تجربے کے لیے آپ چٹنی بازار، مہاویر مارکیٹ وغیرہ کا دورہ کر سکتا ہے۔
ویلنیشور بیچ کیسے پہنچیں ؟
سڑک کے ذریعہ:اسٹیٹ ٹرانسپورٹ کی بسیں ممبئی، پونے اور کولہاپور سے گوہاگرتک چلتی ہیں۔ گوہاگرسے، ناروان اور توسل کے لیے مقامی طور پر چلنے والی ایس ٹی کی بس میں سوار ہوسکتے ہیں جو ویلنیشور میں رکتی ہیں۔ گوہاگر سے آٹو رکشہ بھی دستیاب ہیں۔
ٹرین کے ذریعے:یہاں کاقریب ترین ریلوے اسٹیشن چپلون (۶۵؍ کلومیٹر دور)ہے۔ ممبئی سے، کوکن ریلوے کے ذریعے چپلون پہنچنےمیں ۴؍گھنٹے لگتے ہیں۔ چپلون کےاسٹیٹ ٹرانسپورٹ بسوں کے مرکزی ڈپو سے، بسیں گوہاگر کے قصبے کے لیے چلتی ہیں۔ گوہاگر بس ڈپو سے، آپ ویلنیشور تک آٹو رکشا لے سکتے ہیں۔
ہوائی جہاز کے ذریعے:ممبئی ہوائی اڈہ ویلنیشور کا قریب ترین ہوائی اڈہ ہے۔ یہ ویلنیشورسے۳۳۰؍کلومیٹر دور ہے۔ ویلنیشور پہنچنے کے لیے آپ کو ہوائی اڈے سے ٹیکسی لینا پڑے گی۔