ہنسانے اور تفریح فراہم کرنے کی غرض سے ایک ہلکی پھلکی کہانی کومزاحیہ انداز میں پیش کیا گیا ہے، اس کیلئے چوری کی دنیامیں لے جایا گیا ہے۔

مون واک (Moonwalk)
اسٹریمنگ ایپ: جیو سنیما(۱۰؍ایپی سوڈ)
اسٹار کاسٹ: انشومان پشکر، ندھی سنگھ، سمیر کوچر، نیہا چوہان، شیبا چڈھا، گیتانجلی کلکرنی
ڈائریکٹر: اجے بھویان 
رائٹر: شیو سنگھ
پروڈیوسر: سمیر کھرانہ، ونے رائے، منوج سنگھ
سنیماٹوگرافی: انیل دیویہ، جتین ہرمیت سنگھ
ایڈیٹنگ: ہرشت شرما
پروڈکشن ڈیزائن: رشبھ شرما
اسسٹنٹ ڈائریکٹر: میر محسن، ین سیٹھی
سیٹ ڈریسر: نیہا پاٹل
وژول افیکٹس: آفتاب آصف ملتانی، سمرین خان، کوشگرا یادو
ریٹنگ: *** 

سیریز کی کہانی
یہ ایک چھوٹے موٹے چور اورایک ٹھگ کی کہانی ہے۔ دونوں ایک ہی لڑکی سےپیار کرتے ہیں۔ ایک شرط رکھی جاتی ہے۔ اب دونوں کے بیچ پیار کو حاصل کرنے کے لیےمقابلہ آرائی ہے۔ زمین پر چاندسے ایک ٹکڑا گرا ہے، دونوں اسے حاصل کرنےکی کوشش کر رہے ہیں۔ اسی دوران ایک مقامی گینگسٹر اور اس کا بیٹا بھی اس ٹکڑے کو چرانے کی کوشش میں ہیں۔ کہانی میں رام پور اتر پردیش کا ایک چھوٹا سا شہر دکھایا گیاہے۔ طارق پانڈے (انشومان پشکر) چوری کی ناکام کوشش کے بعد جیل پہنچ جاتا ہے۔ اس کی گرل فرینڈ چاندنی (ندھی سنگھ) اسے چھوڑ دیتی ہے۔ وہ میڈی کپور (سمیر کوچر) کا انتخاب کرتی ہے، جو ایک چالاک دھوکہ بازہے۔ اب طارق چاندنی کی محبوبہ کو جیتنے کے لیے کچھ بھی کرنےکو تیار ہے۔ چاندنی ایک غیر معمولی چیلنج ہے۔ وہ اس شخص کا انتخاب کرےگی جو اس کے لیے سب سے مہنگی چیز چرانے میں کامیاب ہوگا۔ لیکن راستے میں طارق اور میڈی گینگسٹر اور اس کے بیٹےسے ٹکرا جاتے ہیں۔ اب آپ کو یہ جاننے کے لیے سیریز دیکھنا پڑے گی کہ زمین پر گرے چاند کے ٹکڑے کو کون لوٹتا ہے اور چاندنی کس کو ملتی ہے؟
ہدایت کاری
ہدایت کار اجے بھویان کی یہ سیریز عجیب ہے، لیکن مزے کی ہے۔ مصنف شیو سنگھ کی لکھی گئی اس کہانی کی خاصیت اس کا منفرد تصور اورہلکا پھلکا لہجہ ہے۔ واقعات آپ کو محظوظ کرتے رہیں گے، چاہے وہ طارق اور میڈی ایک دوسرے سے آگے نکلنے کی کوشش کر رہےہوں یا گینگسٹر کا بیوقوف بیٹا اپنے جرم کی میراث کو آگے بڑھانے سے انکار کر رہا ہو۔ 
سیریزمیں ایک بہترین منظرہے، جہاں طارق اور اس کا ساتھی ₹ ۱۰۰؍کروڑ مالیت کاگولڈن ٹوائلٹ چوری کرنے کی کوشش کرتے ہیں، جبکہ ایک پولیس والا ان کا پیچھاکررہا ہے۔ اس میں مصنف اور ہدایت کار کی تخلیقی صلاحیتیں جھلکتی ہیں۔ سیریز میں جوش اور مزے کےبہت سے لمحات ہیں، جو آپ کوگدگداتے رہیں ہیں۔ 
’مون واک‘ کی ایک دلچسپ خصوصیت یہ ہے کہ اس میں چوری کو ایک فن کےطور پر دکھایا گیا ہے۔ اس کے کردار اپنے چوری جیسے کام پر بھی فخرکرتےہیں اور اس کے بارے میں بہت سنجیدہ ہیں۔ جس کی وجہ سے ان چوروں کی سرگرمیاں مزید مزے کی ہو جاتی ہیں۔ ڈھیروں قہقہوں کےساتھ کہانی کی اپنی پیچیدگیاں بھی ہیں۔ مثال کے طور پر، ایک مہنگےہار کی چوری جس میں جلد بازی میں اور آسان دکھائی جاتی ہے۔ 
جیسے جیسے کہانی آگے بڑھتی ہے، بہت سے ذیلی پلاٹ کھلتے جاتےہیں اور اس کی وجہ سے اصل کہانی تھوڑی سی بکھر جاتی ہے۔ یہ سیریز بھی بعد میں تھوڑی سست ہو جاتی ہے۔ تاہم چاند کے بارے میں جو کہانی بُنی گئی ہے وہ دلچسپ ہے۔ لیکن یہ اصل کہانی میں فٹ ہونے کے لیے جدوجہد جاری رکھے ہوئے ہے۔ 
اداکاری
اسنیہا کھنوالکر کا بیک گراؤنڈ اسکور کہانی کو دلچسپ بناتا ہے۔ انشومن پشکر اور سمیر کوچر کے ساتھ مناظر مزے دار ہو گئے ہیں۔ جبکہ ندھی سنگھ نے ہوشیار لڑکی کے کردار میں کمال کیا ہے۔ نیہا چوہان کا کام بھی اچھا ہے۔ تاہم، اس کی صلاحیت کو زیادہ استعمال نہیں کیا گیا ہے۔ اس سیریز میں شیبا چڈھا بھی شہنازکے کردار میں ہیں، جو ایک بے رحم چورہے۔ وہ طارق کی ماں نادرا (گیتانجلی کلکرنی) سے بدلہ لینا چاہتی ہے۔ 
مجموعی طور پر’مون واک‘ایک ایسی سیریز ہے جس کی کہانی تھوڑی مختلف ہے اور آپ کا دھیان کھینچنے میں کامیاب ہے۔ اس میں کئی ایسے لمحات ہیں، جہاں یہ گدگداتی ہے۔ لیکن تھوڑی دیر کے بعد لگتا ہے کہ آپ کو مصروف رکھنے کی بھرپور کوشش کی جا رہی ہے۔ 
نتیجہ
اگر آپ تھوڑی مزےداراورہلکے پھلکے انداز والی کہانی کا تجربہ کرناچاہتے ہیں، تو آپ ’مون واک‘ دیکھ سکتے ہیں۔ یہ یقینی طور پر آپ کو ہنسنے پر مجبور کرے گی۔