نئی اسٹارٹ اپ الیکٹریکل وہیکل کمپنی الیکٹرک موٹرس نے اپنے پہلے ۳؍ نئے الیکٹرک اسکوٹر اور ایک نئی الیکٹرک بائیک ہندوستان میں لانچ کی ہے۔

 نئی دہلی (ایجنسی): نئی اسٹارٹ اپ الیکٹریکل وہیکل کمپنی الیکٹرک موٹرس نے اپنے پہلے ۳؍ نئے الیکٹرک اسکوٹر اور ایک نئی الیکٹرک بائیک ’رسالہ‘ ہندوستان میں لانچ کی ہے ۔ کمپنی نے اپنی رینج میں ۳؍ نئے اسکوٹر میں ’پولو، ڈربی اور پولو پونی‘ اور ایک الیکٹرک بائیک کو شامل کیا ہے۔ معلوم ہوکہ تینوں ہی اسکوٹروں کے ۲؍الگ الگ قسم کے ماڈل لانچ کئے گئے ہیں جن کی بیٹری استعداد مختلف ہے۔موٹر بائیک ایولیٹ واریئر ۷۲؍ وولٹ اور ۴۰؍ اے ایچ کی لیتھیم آئن بیٹری دی گئی ہے اور ۳؍ کے ڈبلیو کی الیکٹرک موٹر دی گئی ہے۔ اس بائیک کی رفتار ۶۰؍کلومیٹر فی گھنٹہ ہے اور یہ سنگل چارج پر ۵۰؍ کلومیٹر کا فاصلہ طے کرسکتی ہے۔