رائل انفیلڈ نے اپنی موٹر سائیکلوں کو بی ایس سکس اسٹینڈرڈ سے لیس کرنے کا اعلان کیا ہے

 نئی دہلی : رائل انفیلڈ نے اپنی موٹر سائیکلوں کو بی ایس سکس اسٹینڈرڈ سے لیس کرنے کا اعلان کیا ہے ۔ فی الحال کمپنی اپنی ۳۵۰؍ سی سی کی موٹر سائیکلوں کو ہی اَپ ڈیٹ کرے گی ۔ حال ہی میں ان بائیکس کو ٹیسٹنگ کے دوران دیکھا گیا ہے ۔ اس اَپ ڈیٹ کے ساتھ بائیک کی کارکردگی بھی پہلے سے بہتر ہوگی اور ان کی قیمت میں بھی اضافہ ہوسکتا ہے ۔ آٹو کار کی رپورٹ کے مطابق کمپنی اپنے نئی اَپ ڈیٹ بائیک کو حکومت کے ذریعے مقررہ مدت یکم اپریل ۲۰۲۰ء سے پہلے اَپ ڈیٹ کردے گی ۔ لیکن اس میں تھوڑا وقت لگ سکتا ہے ۔ کمپنی اپنی اپ ڈیٹ بائیک کو اگلے سال کے ابتدائی مہینوں میں پیش کرسکتی ہے ۔ وہیں کمپنی کا سنگل سلنڈر انجن لائن اَپ پوری طرح سے تیار نہیں ہوا ہے جس کی وجہ سے سب سے پہلے ۳۵۰؍ سی سی انجن کو نئے معیار کے مطابق اَپ ڈیٹ کیا جائے گا۔